ନୂଆଦିଲ୍ଲୀ: ନ୍ୟୁୟର୍କରୁ ଦିଲ୍ଲୀକୁ ଆସୁଥିବା ଆମେରିକାର ବିମାନ ହଠାତ୍ ରୋମକୁ ସ୍ଥାନାନ୍ତରିତ ହୋଇଛି। ଆମେରିକୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ସୁରକ୍ଷା କାରଣରୁ ବିମାନଟି ସ୍ଥାନାନ୍ତରିତ ହୋଇଛି। ଏହି ବିମାନଟି ଆମେରିକୀୟ ଏୟାରଲାଇନ୍ସର ଅଟେ। ଆମେରିକୀୟ ଏୟାରଲାଇନ୍ସର ବିମାନ AA292 ବୋମା ଧମକ ପାଇବା ପରେ ରୋମର ଫିଉମିସିନୋ ବିମାନ ବନ୍ଦରକୁ ଜରୁରୀକାଳୀନ ଡାଇଭର୍ସନ କରିବାକୁ ପଡିଥିଲା।
କ୍ରୁ ସଦସ୍ୟମାନଙ୍କୁ ବିସ୍ଫୋରକ ଉପକରଣ ସୂଚନା:
ବିମାନରେ ଥିବା ଏକ ବିସ୍ଫୋରକ ଉପକରଣ ବିଷୟରେ କ୍ରୁ ସଦସ୍ୟମାନେ ସୂଚନା ଗ୍ରହଣ କରିଥିଲେ, ପରେ ତୁରନ୍ତ ଆନ୍ତର୍ଜାତୀୟ ବିମାନ ସୁରକ୍ଷା ପ୍ରୋଟୋକଲ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା। ଏୟାରନେଭ ରାଡାର ଟ୍ରାକିଂ ସେବା ଅନୁଯାୟୀ ବିମାନଟି ହଠାତ୍ ଭୂମଧ୍ୟସାଗର ଉପରେ ଗତିପଥ ବଦଳାଇ ଜରୁରୀକାଳୀନ ଅବତରଣ ପାଇଁ ରୋମ ଆଡକୁ ଯାଇଥିଲା।