ନୂଆଦିଲ୍ଳୀ ,02/01 : ସାମସଙ୍ଗର ଫ୍ଲାଗ୍ସିପ୍ ଫୋନ୍ ଗାଲାକ୍ସି ନୋଟ୍ ସିରିଜ୍ର ଲାଇଟ୍ ଭର୍ସନ ଆଣିବାକୁ ଯାଉଛି । ଅନ୍ୟ ଚାଇନିଜ୍ ବ୍ରାଣ୍ଡର ଶସ୍ତା ଫୋନ୍ ସହିତ ପ୍ରତିଦ୍ବନ୍ଦିତା ପାଇଁ ସାମସଙ୍ଗ ପକ୍ଷରୁ ଏହି ପଦକ୍ଷେପ ଗ୍ରହଣ କରାଯାଇଛି । ଅଗଷ୍ଟ 2019ରେ ଗାଲାକ୍ସି ନୋଟ୍ 10 ଲଞ୍ଚ କରାଯାଇଥିବା ବେଳେ ଏହାର ଲାଇଟ୍ ଭର୍ସନ୍ ଆସନ୍ତା ମାସରେ ଲଞ୍ଚ ହେବାକୁ ଯାଉଛି । ଏନେଇ ଗୁରୁବାର ସାମସଙ୍ଗ ପକ୍ଷରୁ ଘୋଷଣା କରାଯାଇଛି । ଏହି ଫୋନ୍ରେ ଚାରି କୋଣିଆ କ୍ୟାମେରା ରହିଥିବା ବେଳେ ତିନିଟି ସେନ୍ସର ରହିଛି । ଫୋନ୍ଟିରେ ଫିଙ୍ଗର ପ୍ରିଣ୍ଟ ସେନ୍ସର ରହିଥିବା ଜଣାପଡିଛି । ସୁପର ଆମୋଲେଡ୍ ଡିସ୍ପ୍ଲେର ଏହି ଫୋନ୍ରେ ଫିଙ୍ଗରପ୍ରିଣ୍ଟ ସେନ୍ସର ରହିଥିବା ଜଣାପଡିଛି । ଏକ୍ସିନୋସ୍ ପ୍ରସେସର ରହିଥିବା ଏହି ଫୋନ୍ରେ 6 ଜିବି ରାମ୍ ଏବଂ 128 ଜିବି ରମ୍ ରହିଛି । ଏହି ଫୋନ୍ରେ 4500 ଏମ୍ଏଏଚ୍ ବ୍ୟାଟେରୀ ରହିଥିବା ବେଳେ ଏହାର ମୂଲ୍ୟ 15 ହଜାର ମଧ୍ୟରେ ରହିବ ବୋଲି ଜଣାପଡିଛି ।
