କଟକ, ଆଇନ ବିଶ୍ବବିଦ୍ୟାଳୟରେ ପ୍ରବାସୀ ଭାରତୀୟ କୋଟାରେ କରାଯାଉଥିବା ନାମଲେଖା ଅଗଣତାନ୍ତ୍ରିକ। ଏହା ଛାତ୍ରଛାତ୍ରୀଙ୍କ ମଧ୍ୟରେ ଥିବା ସମାନତା ଅଧିକାରକୁ କ୍ଷୁର୍ଣ୍ଣ କରୁଛି। ଏହିପରି ଏକ ଗୁରୁତ୍ବପୂର୍ଣ୍ଣ ରାୟ ଦେଇଛନ୍ତି ଓଡିଶା ହାଇକୋର୍ଟ। ପ୍ରବାସୀ ଛାତ୍ରଛାତ୍ରୀମାନେ କମ ମାର୍କ ରଖି ଅଧିକ ଅର୍ଥ ଦେଇ ନାମଲେଖାଇବା ଏକ ଖରାପ ପରଂପରା। ଏହା ଦ୍ବାରା ମେଧାବୀ ଛାତ୍ରଛାତ୍ରୀମାନେ ନାମଲେଖାରୁ ବଞ୍ଚିତ ହେଉଛନ୍ତି ବୋଲି କୋର୍ଟ କହିଛନ୍ତି। ଏନଆରଆଇ କୋଟା ଉପରେ ଜଣେ ଛାତ୍ରୀ କରିଥିବା ମାମଲାର ଶୁଣାଣି କରି କୋର୍ଟ ଏହି ରାୟ ପ୍ରକାଶ କରିଛନ୍ତି।
ବିଚାରପତି ସଞ୍ଜୁ ପଣ୍ଡା ଏବଂ ବିଚାରପତି ଏସ୍.କେ ପାଣିଗ୍ରାହୀଙ୍କୁ ନେଇ ଗଠିତ ଖଣ୍ଡପୀଠ ଏଭଳି ଉଦ୍ବେଗ ପ୍ରକାଶ କରିଛନ୍ତି। ଏହା ଉପରେ ବାର୍ କାଉନ୍ସିଲ୍ ଅଫ୍ ଇଣ୍ଡିଆ ଏବଂ ଜାତୀୟ ଆଇନ୍ ବିଶ୍ୱବିଦ୍ୟାଳୟରେ ନାମାଙ୍କନ ପାଇଁ ଥିବା ଚୟନକାରୀ ସଂସ୍ଥା ତ୍ୱରିତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ମଧ୍ୟ କୋର୍ଟ କହିଛନ୍ତି।