ହାମିଲଟନ୍ : ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଅନୁଷ୍ଠିତ ତୃତୀୟ ଟି 20 ମୁକାବିଲାରେ ଜଣେ କିଓ୍ବି ଫ୍ୟାନ୍ ଭାରତ ମାତା କୀ ଜୟ ଉଚ୍ଚାରଣ କରିଛନ୍ତି । ଟ୍ବିଟ୍ଟର ଏବଂ ଅନ୍ୟାନ୍ୟ ସୋସିଆଲ ପ୍ଲାଟଫର୍ମରେ ନ୍ୟୁଜିଲ୍ୟାଣ୍ଡ ଫ୍ୟାନ୍ଙ୍କ ଭାରତ ମାତା କୀ ଜୟ ଭିଡିଓ ଭାଇରାଲ ହୋଇଛି । ମ୍ୟାଚ୍ର ଦ୍ବିତୀୟ ଇନିଂସରେ ଏହି ଘଟଣା ଘଟିଥିଲା । ଭାରତୀୟ ଫିଲ୍ଡିଂ ସମୟରେ ପଛରେ ବସିଥିବା ଭାରତୀୟ ଦର୍ଶକଙ୍କୁ ଅନୁକରଣ କରି କିଓ୍ବି ଜଣକ ଭାରତ ମାତାକୀ ଜୟ ଉଚ୍ଚାରଣ କରିଛନ୍ତି । ନ୍ୟୁଜିଲ୍ୟାଣ୍ଡ ସୁପର ଓଭରରେ ଏହି ମ୍ୟାଚ୍ ଏବଂ ସିରିଜ୍ ହାତଛଡା କରିଥିବା ବେଳେ ଏହି ଫ୍ୟାନ୍ ଜଣଙ୍କୁ ଇଣ୍ଟରନେଟ୍ର ସମସ୍ତେ ପସନ୍ଦ କରିଛନ୍ତି ।
