ନୂଆଦିଲ୍ଲୀ,10/12 : ଆଗାମୀ 2020 ଟୋକିଓ ଅଲିମ୍ପିକ୍ସ ପୂର୍ବରୁ ଋଷକୁ ବଡ଼ ଝଟ୍କା ଲାଗିଛି । ବିଶ୍ବ ଆଣ୍ଟି ଡୋପିଂ ସଂସ୍ଥା(ୱାଡା) ଋଷକୁ ଅନ୍ତର୍ଜାତୀୟ କ୍ରୀଡ଼ାରୁ 4 ବର୍ଷ ବାସନ୍ଦ କରିଛି । ଫଳରେ ଋଷ ଆଗାମୀ 2020ରେ ଟୋକିଓରେ ହେବାକୁ ଥିବା ଅଲିମ୍ପିକ୍ସରେ ଭାଗ ନେଇପାରିବ ନାହିଁ । ଏହା ସହିତ 2022ରେ ହେବାକୁ ଥିବା ଶୀତକାଳୀନ ଅଲମ୍ପିକ୍ସ ଏବଂ ବିଶ୍ଵ ଚାମ୍ପିୟନଶିପ୍ରେ ମଧ୍ୟ ଅଂଶଗ୍ରହଣ କରିପାରିବ ନାହିଁ ଋଷିଆ । ଅନେକ ଡୋପିଂ ମାମଲାକୁ ଲୁଚାଇବା ପାଇଁ ଲାବରେଟୋରି ଡାଟାବେସରେ ତଥ୍ୟ ଏପଟସେପଟ କରିଥିବାରୁ ଋଷ ବିପକ୍ଷରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । (ଏଜେନ୍ସୀ)
