ଲଣ୍ଡନ୍: ଓସ୍କାର ୨୦୨୦ରେ ଚଳିତ ବର୍ଷ ସାଉଥ କୋରିଆ ବାଜି ମାରିନେଇଛି। ପ୍ରଥମଥର ପାଇଁ ସାଉଥ୍ କୋରିଆନ୍ ଫିଲ୍ମ ଓସ୍କାର ପୁରସ୍କାର ହାତେଇଛି। ଫିଲ୍ମ ‘ପାରାସାଇଟ୍’କୁ ସର୍ବଶ୍ରେଷ୍ଠ ଫିଲ୍ମର ପୁରସ୍କାର ମିଳିଛି। ଏହି ଫିଲ୍ମଟି ଶ୍ରେଷ୍ଠ ଫିଲ୍ମ ସହ ଶ୍ରେଷ୍ଠ ଅରିଜିନାଲ୍ ସ୍କ୍ରିନ୍ ପ୍ଲେ, ଶ୍ରେଷ୍ଠ ନିର୍ଦ୍ଦେଶକ, ଶ୍ରେଷ୍ଠ ଇଣ୍ଟରନ୍ୟାସନାଲ୍ରେ ମଧ୍ୟ ଶ୍ରେଷ୍ଠତା ବଜାୟ ରଖିଛି। ସର୍ବମୋଟ ଫିଲ୍ମଟି ୪ଟି ପୁରସ୍କାର ହାତେଇଛି। ଫିଲ୍ମଟିରେ ଗରିବ ଓ ଧନୀ ମଧ୍ୟରେ ରହିଥିବା ପ୍ରଭେଦକୁ ଅତି ସୁନ୍ଦର ଭାବରେ ପ୍ରଦର୍ଶିତ କରାଯାଇଛି। ଫିଲ୍ମଟିରେ ରହିଥିବା ଟ୍ରାଜିକ୍ କମେଡିର ତଡ୍କା ଦର୍ଶକଙ୍କୁ ବେଶ୍ ପସନ୍ଦ ଆସିଥିଲା। ତେବେ ଚର୍ଚ୍ଚାରେ ବିଷୟ ହେଉଛି ଯେ, ପ୍ରଥମଥର ପାଇଁ ବିଦେଶୀ ମୂଳ ଭାଷାର ଫିଲ୍ମ ଓସ୍କାରରେ ସମ୍ମାନିତ ହୋଇଛି। ତେବେ ପାରାସାଇଟ୍ ପ୍ରଥମ ଏସିଆନ୍ ଫିଲ୍ମ, ଯାହା ଓସ୍କାର ସମ୍ମାନରେ ସମ୍ମାନିତ ହୋଇଛି।
ସେହିପରି ଓସ୍କାର ଆଓ୍ବାର୍ଡରେ ଶ୍ରେଷ୍ଠ ଅଭିନେତା ଭାବେ ‘ଜୋକର୍’ର ଅଭିନେତା ଓ୍ବାକିନ୍ ଫିନିକ୍ସଙ୍କୁ ପୁରସ୍କାର ମିଳିଥିବାବେଳେ ଫିଲ୍ମ ‘ଜୁଡି’ ପାଇଁ ରିନି ଜେଲ୍ଓ୍ବଗର୍ ଶ୍ରେଷ୍ଠ ଅଭିନେତ୍ରୀ ଓ ’ମ୍ୟାରେଜ ଷ୍ଟୋରୀ’ ପାଇଁ ଲୌରା ଡର୍ଣ୍ଣଙ୍କୁ ଶ୍ରେଷ୍ଠ ସହ ଅଭିନେତ୍ରୀ ଓ ’ଫିଲ୍ମ ‘ଓ୍ବାନ୍ସ ଓପନ୍ ଏ ଟାଇମ୍ ଇନ୍ ହଲିଉଡ୍ ’ ପାଇଁ ଅଭିନେତା ବ୍ରାଡ୍ ପିଟ୍ଙ୍କୁ ଶ୍ରେଷ୍ଠ ସହାଭିନେତାର ପୁରସ୍କାର ମିଳିଛି।
ଓସ୍କାର ଆଓ୍ବାର୍ଡର ବିଜେତାଙ୍କ ତାଲିକା
ଶ୍ରେଷ୍ଠ ନିର୍ଦ୍ଦେଶକ : ବୋଙ୍ଗ ଜୋନ୍ ହୋ (ପାରାସାଇଟ୍)
ଶ୍ରେଷ୍ଠ ସଙ୍ଗୀତ (ମୂଳ ଗୀତ) : ଲଭ୍ ମି ଏଗେନ୍ (ରକେଟ୍ ମ୍ୟାନ୍)
ଶ୍ରେଷ୍ଠ ସଙ୍ଗୀତ (ମୂଳ ସ୍କୋର୍) : ଜୋକର୍
ଶ୍ରେଷ୍ଠ ଅନ୍ତର୍ଜାତୀୟ ଫିଚର ଫିଲ୍ମ : ପାରାସାଇଟ୍ (କୋରିଆନ୍)
ଶ୍ରେଷ୍ଠ କେଶସଜ୍ଜା ଓ ମେକଅପ୍ : ବମ୍ବସେଲ୍
ଶ୍ରେଷ୍ଠ ଭିଜୁଆଲ୍ ଇଫେକ୍ଟସ୍ – 1917
ଶ୍ରେଷ୍ଠ ଫିଲ୍ମ ସମ୍ପାଦନା : ଫ୍ରଡ୍ ଭି ଫରାରୀ
ଶ୍ରେଷ୍ଠ ଚିତ୍ରନାଟ୍ୟ : ରୋଜର୍ ଡେକିନ୍ସ (1917)
ଶ୍ରେଷ୍ଠ ସାଉଣ୍ଡ୍ ମିକ୍ସିଂ – 1917
ଶ୍ରେଷ୍ଠ ଶବ୍ଦ ସମ୍ପାଦନା – ଫ୍ରଡ୍ ଭି ଫରାରୀ
ଶ୍ରେଷ୍ଠ ଡକ୍ୟୁମେଣ୍ଟାରୀ ସର୍ଟ ଫିଚର୍ – ଲର୍ଣ୍ଣିଂ ଟୁ ସ୍କେଟବୋର୍ଡ ଇନ୍ ଏ ଓ୍ବାର୍ଜନ
ଶ୍ରେଷ୍ଠ ଡକ୍ୟୁମେଣ୍ଟାରୀ ଫିଚର୍ – ଆମେରିକାନ୍ ଫାକ୍ଟ୍ରି
ଶ୍ରେଷ୍ଠ ପ୍ରଡକ୍ସନ ଡିଜାଇନ୍ – ଓ୍ବାନସ ଅପନ୍ ଏ ଟାଇମ୍ ଇନ୍ ହଲିଉଡ୍
ଲାଇଭ୍ – ଆକ୍ସନ୍ ସର୍ଟ ଫିଲ୍ମ – ଦ ନେବରିୟର୍ସ୍ ଓ୍ବିଣ୍ଡୋ
ଶ୍ରେଷ୍ଠ ଆଡାପେଟେଡ୍ ସ୍କ୍ରିନ୍ ପ୍ଲେ – ତାକିଆ ଓ୍ବତିତି (ଜୋଜୋ ରାବିଟ୍)
ଶ୍ରେଷ୍ଠ ମୂଳ ଚିତ୍ରନାଟ୍ୟ – ବଙ୍ଗ ଜୋନ୍- ହୋ (ପାରାସାଇଟ୍)
ଆନିମେଟେଡ୍ ସର୍ଟ ଫିଲ୍ମ – ହେୟାର ଲଭ୍
ଆନିମେଟେଡ୍ ଫିଚର୍ ଫିଲ୍ମ – ଟୟ ଷ୍ଟୋରୀ – 4
(ଏଜେନ୍ସି)