ନୂଆଦିଲ୍ଲୀ: 2025 ଚାମ୍ପିଅନ୍ସ ଟ୍ରଫି ଆରମ୍ଭ ହୋଇଛି। ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚ୍ କରାଚିସ୍ଥିତ ଜାତୀୟ ଷ୍ଟାଡିୟମରେ ଆୟୋଜକ ପାକିସ୍ଥାନ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଖେଳାଯାଇଛି। ଏହି ମ୍ୟାଚ୍ ପୂର୍ବରୁ ଖବର ଆସିଥିଲା ଯେ, ଭାରତ ପାକିସ୍ତାନ ନଆସିବାରୁ ସେଠାରେ ଅନ୍ୟ ଦେଶର ପତାକା ଉତ୍ତୋଳନ କରାଯିବ, କିନ୍ତୁ ତ୍ରିରଙ୍ଗା ଉତ୍ତୋଳନ କରାଯିବ ନାହିଁ। କିନ୍ତୁ ବର୍ତ୍ତମାନ ଭାରତ ଆଗରେ ପାକିସ୍ତାନ ମୁଣ୍ଡ ନୂଆଁଇଛି।
ପ୍ରକାଶ ଯୋଗ୍ୟ ଯେ ପୂର୍ବରୁ ଚାମ୍ପିଅନ୍ସ ଟ୍ରଫିରେ ଭାଗ ନେଉଥିବା ସାତୋଟି ଦେଶର ପତାକା ସେଠାରେ ରଖାଯାଇଥିଲା, କିନ୍ତୁ ସେଠାରେ ତ୍ରିରଙ୍ଗା ନଥିଲା। ଏହାକୁ ନେଇ ଅନେକ ବିବାଦ ଦେଖାଦେଇଥିଲା। କିନ୍ତୁ ବର୍ତ୍ତମାନ ଏକ ନୂଆ ଫଟୋ ସାମ୍ନାକୁ ଆସିଛି, ଯେଉଁଥିରୁ ଭାରତର ପାକିସ୍ତାନ ପ୍ରତି ଧମକ ସ୍ପଷ୍ଟ ଦେଖାଯାଉଛି। ସର୍ବଶେଷ ଫଟୋରେ, ଭାରତୀୟ ତ୍ରିରଙ୍ଗା କରାଚିରେ ଥିବା ଜାତୀୟ ଷ୍ଟାଡିୟମରେ ଲାଗିଥିବା ନଜର ଆସିଛି।