ଭୁବନେଶ୍ୱର: ଆଜି ବିଜେଡିର ଏକ ପ୍ରତିନିଧୀ ଦଳ ରାଜ୍ୟ ନିର୍ବାଚନ କମିଶନରଙ୍କ ଦ୍ବାରସ୍ଥ ହୋଇଛନ୍ତି। ଲେନିନ ମହାନ୍ତିଙ୍କ ନେତୃତ୍ବରେ ଏହି ଦଳ କମିଶନରଙ୍କୁ ଏକ ସ୍ମାରକ ପତ୍ର ପ୍ରଦାନ କରିଛନ୍ତି। ବିଜେପି ନିର୍ବାଚନ ହାରିଯିବା ଭୟରେ ବିଭିନ୍ନ ସ୍ଥାନରେ ହିଂସା କାଣ୍ଡ କରୁଛି ବୋଲି ଦଳ କହିଛି।
ସେମାନେ ଅଭିଯୋଗ କରିଛନ୍ତି ଯେ, ପ୍ରଥମ ପର୍ଯ୍ୟାୟରେ ପରି ଦ୍ବିତୀୟ ପର୍ଯ୍ୟାୟରେ ସମାନ ଢ଼ଙ୍ଗରେ ବିଜେପି ହିଂସାର ରାସ୍ତା ଆପଣେଇଛି। ଆଜି ଜଗତସିଂହପୁରର ୨ଟି ସ୍ଥାନରେ ବିଜେପିର ଗୁଣ୍ଡାଗିରି ଯୋଗୁ ଭୋଟ ଦାନ ବନ୍ଦ ରହିଛି। ନିର୍ବାଚନ କମିଶନର ତୁରନ୍ତ ଏଥିରେ ହସ୍ତକ୍ଷେପ କରି ପଦକ୍ଷେପ ନିଅନ୍ତୁ ବୋଲି ବିଜେଡି ଦାବୀ କରିଛି।
