ନୂଆଦିଲ୍ଲୀ : ପରୀକ୍ଷା ପେ ଚର୍ଚ୍ଚା କାର୍ଯ୍ୟକ୍ରମକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଜଣାଇଛନ୍ତି ଅନୀଲ କୁମ୍ବଲେ । ପରୀକ୍ଷା ପେ ଚର୍ଚ୍ଚା କାର୍ଯ୍ୟକ୍ରମର ଦୁଇ ଦିନ ପରେ କୁମ୍ବଲେ ମୋଦିଙ୍କୁ ଟ୍ବିଟ୍ଟର ଜରିଆରେ ଧନ୍ୟବାଦ ଜଣାଇଛନ୍ତି । ମୋଦି ପରୀକ୍ଷା ପେ ଚର୍ଚ୍ଚା କାର୍ଯ୍ୟକ୍ରମ ସମୟରେ ହନୁହାଡ ଭାଙ୍ଗିଥିବା ସତ୍ତ୍ବେ କୁମ୍ବଲେ ବୋଲିଂ କରିଥିବା ଘଟଣାର ଉଦାହରଣ ଦେଇଥିଲେ । ଏକ ଟ୍ବିଟ୍ କରି ଛାତ୍ରଛାତ୍ରୀଙ୍କୁ ଶୁଭେଚ୍ଛା ଜଣାଇବା ସହିତ ପରୀକ୍ଷା ପେ ଚର୍ଚ୍ଚାରେ ତାଙ୍କ ନାମ ନେଇଥିବାରୁ କୁମ୍ବଲେ ମୋଦିଙ୍କୁ ଧନ୍ୟବାଦ ଜ୍ଞାପନ କରିଥିଲେ । ଉଲ୍ଲେଖଯୋଗ୍ୟ ଯେ, 2002ରେ ଓ୍ବେଷ୍ଟଇଣ୍ଡିଜ୍ ବିପକ୍ଷ ଆଣ୍ଟିଗୁଆ ଟେଷ୍ଟରେ କୁମ୍ବଲେ ମୁଣ୍ଡରେ ପଟି ବାନ୍ଧି 14 ଓଭର ବୋଲିଂ କରିବା ସହିତ ବ୍ରାଏନ୍ ଲାରାଙ୍କ ଓ୍ବିକେଟ ଦଖଲ କରିଥିଲେ । (ଏଜେନ୍ସୀ)
