The Samikhsya Odia
ନୂଆଦିଲ୍ଲୀ : ନିର୍ଭୟା ଗଣଦୁଷ୍କର୍ମ ମାମଲାରେ ପୁଣି ଏକ ନୂତନ ମୋଡ ଦେଖିବାକୁ ମିଳିଛି । ନିର୍ଭୟା ମାମଲାର ଅନ୍ୟତମ ଦୋଷୀ ପଓ୍ବନ୍ ଗୁପ୍ତା ପକ୍ଷରୁ ଶୁକ୍ରବାର କ୍ୟୁରେଟିଭ୍ ଯାଚିକା ଦାଖଲ କରାଯାଇଛି । ନିଜର ଫାଶୀ ଦଣ୍ଡକୁ ଆଜୀବନ କାରାଦଣ୍ଡରେ ପରିବର୍ତ୍ତିତ କରିବା ପାଇଁ ପଓ୍ବନ୍ ପକ୍ଷରୁ ଆବେଦନ କରାଯାଇଛି । ପୂର୍ବରୁ ସୁପ୍ରିମକୋର୍ଟଙ୍କ ପକ୍ଷରୁ ନିର୍ଭୟା ଦୋଷୀଙ୍କୁ ମାର୍ଚ୍ଚ 3 ତାରିଖରେ ଫାଶୀ ପାଇଁ ନିର୍ଦ୍ଦେଶ ଦେଇଥିଲେ । ମାତ୍ର ଏହି ଆବେଦନ ପରେ ଦୋଷୀଙ୍କ ଫାଶୀ ତାରିଖ ପୁଣି ଘୁଞ୍ଚିବା ନେଇ ଆଶଙ୍କା ପ୍ରକାଶ ପାଇଛି । (ଏଜେନ୍ସି)
ନୂଆଦିଲ୍ଲୀ : ନିର୍ଭୟା ଗଣଦୁଷ୍କର୍ମ ମାମଲାରେ ଅଭିଯୁକ୍ତଙ୍କ ଫାଶୀ ପାଇବାର ଦିନ ପାଖେଇ ଆସୁଥିବା ବେଳେ ଏହାକୁ ବିଳମ୍ବ କରିବା ପାଇଁ ବିଭିନ୍ନ ମହଲରୁ ଚେଷ୍ଟା କରାଯାଉଛି । ଦୋଷୀ ପଓ୍ବନ୍ ଗୁପ୍ତାର ପିତାଙ୍କ ପକ୍ଷରୁ ଦାଖଲ କରାଯାଇଥିବା ଏକ ଯାଚିକାକୁ ସେସନ୍ସ କୋର୍ଟ ବିଚାରପତି ଖାରଜ କରି ଦେଇଛନ୍ତି । ମାମଲାରେ ଏକମାତ୍ର ସାକ୍ଷୀଙ୍କ ବୟାନ ଗ୍ରହଣୀୟ ନୁହେଁ । ପୋଲିସ୍ ପକ୍ଷରୁ ମାଡ ମରାଯାଇ ସାକ୍ଷୀଙ୍କୁ ପ୍ରଭାବିତ କରାଯାଇଥିବା ନେଇ ଏହି ଯାଚିକାରେ ଉଲ୍ଲେଖ କରାଯାଇଥିବା ବେଳେ ଆଡିସନାଲ ସେସନ୍ସ କୋର୍ଟ ବିଚାରପତି ଏ କେ ଜୈନ୍ ଯାଚିକାକୁ ଖାରଜ କରିଦେଇଥିଲେ । (ଏଜେନ୍ସୀ)
ନୂଆଦିଲ୍ଲୀ : ନିର୍ଭୟା ଗଣ ଦୁଷ୍କର୍ମ ମାମଲାର ଅନ୍ୟତମ ଅଭିଯୁକ୍ତ ପଓ୍ବନ୍ କୁମାର ଗୁପ୍ତାଙ୍କ ଯାଚିକାକୁ ଖାରଜ କରିଛନ୍ତି ସର୍ବୋଚ୍ଚ କୋର୍ଟ । 2012ରେ ଘଟଣା ଘଟିବା ସମୟରେ ସେ ନାବାଳକ ଥିବା ନେଇ ପଓ୍ବନ୍ଙ୍କ ପକ୍ଷରୁ ଜାନୁୟାରୀ 17 ତାରିଖରେ ଏକ ଯାଚିକା ଦାଖଲ କରାଯାଇଥିଲା । ପୂର୍ବରୁ ଦିଲ୍ଲୀ ହାଇକୋର୍ଟ ଏହି ମାମଲାକୁ ଖାରଜ କରିଥିବା ବେଳେ ସୁପ୍ରିମକୋର୍ଟଙ୍କ ପକ୍ଷରୁ ଅଭିଯୁକ୍ତଙ୍କ ଓକିଲଙ୍କୁ ସମାଲୋଚନା କରାଯାଇଛି । ପୂର୍ବରୁ ମାମଲାର ବିଚାର ପ୍ରକ୍ରିୟା ସରିଥିବା ବେଳେ ବାରମ୍ବାର ବିଭିନ୍ନ ବାହାନାରେ ମାମଲା ଦାୟର କରି ନ୍ୟାୟିକ ପ୍ରକ୍ରିୟାକୁ ବିଳମ୍ବିତ କରୁଥିବାରୁ ଅଭିଯୁକ୍ତଙ୍କ ଓକିଲ ଏପି ସିଂଙ୍କୁ ଜଷ୍ଟିସ୍ ଅଶୋକ ଭୂଷଣ ସମାଲୋଚନା କରିଥିଲେ । ଜୁଲାଇ 8, 2018ରେ ସର୍ବୋଚ୍ଚ କୋର୍ଟରେ ଆପଣଙ୍କର ସମାନ ଯାଚିକାକୁ ସର୍ବୋଚ୍ଚ କୋର୍ଟ ଖାରଜ କରିଥିବା ବେଳେ ଆପଣ ଦୈନିକ ନୂତନ ତଥ୍ୟ ସହିତ ଆସିବା ଗ୍ରହଣଯୋଗ୍ୟ ନାହିଁ । ଜଷ୍ଟିସ୍ ଅଶୋକ ଭୂଷଣଙ୍କ ନେତୃତ୍ବରେ ଗଠିତ ତିନି ଜଣିଆ ଖଣ୍ଡପୀଠ ଏହି ମାମଲାର ବିଚାର କରିଥିଲେ ।