ମାଲେସିଆର ପୂର୍ବତନ ଏକ ନମ୍ବର ବ୍ୟାଡମିଣ୍ଟନ ଖେଳାଳି ଲି ଚଙ୍ଗ ଓ୍ବି ଅବସର ଗ୍ରହଣ କରିଛନ୍ତି। କ୍ୟାନ୍ସରରେ ପୀଡିତ ହୋଇ ଲି ଏହି ନିଷ୍ପତ୍ତି ନେଇଥିବା ଜଣାପଡିଛି। ତିନି ଥର ଅଲମ୍ପିକ୍ସ ରୌପ୍ୟ ପଦକ ବିଜେତା ତଥା ପୂର୍ବତନ ବିଶ୍ବ ଏକ ନମ୍ବର ଖେଳାଳି ଲି ଗୁରୁବାର ନିଜର ଅବସର ଗ୍ରହଣ କରିଛନ୍ତି। ଗତବର୍ଷ ନାକରେ କ୍ୟନ୍ସର ଜଣାପଡିବା ପରେ ମଧ୍ୟ ଅଭ୍ୟାସ ଜାରି ରଖିଥିଲେ ଲି। ମାତ୍ର ସ୍ବାସ୍ଥ୍ୟବସ୍ଥା ଖରାପ ହେବାରୁ ଅବସର ଗ୍ରହଣ କରିଛନ୍ତି। ୨୦୦୬ ମସିହାରେ ପ୍ରଥମ ଥର ଏକ ନମ୍ବର ସ୍ଥାନରେ ପହଞ୍ଚିଥିବା ଲି ୩୪୮ ସପ୍ତାହ ବିଶ୍ବ ମାନ୍ୟତାରେ ଏକ ନମ୍ବର ସ୍ଥାନରେ ରହିବାର ରେକର୍ଡ ନିଜ ନାମରେ ରଖିଛନ୍ତି। ନିଜ କ୍ୟାରିୟରରେ ୬୯ଟି ଏକକ ଟାଇଟଲ ଜିତିବାରେ ସଫଳ ହୋଇଛନ୍ତି ଲି।
