କୋଲକାତା : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜିଠାରୁ ଦୁଇଦିନିଆ କୋଲକାତା ଗସ୍ତ କରୁଛନ୍ତି । ଏହି ଗସ୍ତ କାଳରେ ପ୍ରଧାନମନ୍ତ୍ରୀ ମୋଦି କୋଲକାତା ପୋର୍ଟ ଦ୍ୱାରା ଆୟୋଜିତ ଏକ ସମାରୋହରେ ଯୋଗଦେବେ । ସେହିପରି କୋଲକାତାଠାରେ ହେରିଟେଜ ବିଲ୍ଡିଙ୍ଗ ଉତ୍ସର୍ଗ କରିବା ସହି ନେତାଜୀ ସୁବାଷ ଡ୍ରାଏ ଡକ ଠାରେ ସିପ ରିପାୟାର କାରଖାନାର ନୂତନ ସଂସ୍କରଣକୁ ଉଦଘାଟନ କରିବାର କାର୍ଯ୍ୟକ୍ରମ ରହିଛି । ସେହିପରି ମୋଦୀ ଦକ୍ଷତା ବିକାଶ କେନ୍ଦ୍ର ଓ ୨୦୦ ଆଦିବାସୀ ବାଳିକାଙ୍କ ପାଇଁ ନିର୍ମାଣ ହୋଇଥିବା ପ୍ରୀତିଲତା ଛାତ୍ରୀ ଆବାସକୁ ମଧ୍ୟ ଉଦଘାଟନ କରିବାର କାର୍ଯ୍ୟକ୍ରମ ରହିଛି । ରବିବାରଦିନ ପଶ୍ଚିମବଙ୍ଗଠାରେ କୋଲକତା ପୋର୍ଟ ଟ୍ରଷ୍ଟର 150 ବର୍ଷ ପୂର୍ତ୍ତି ଅବସରରେ ହେବାକୁ ଥିବା ଏହି କାର୍ଯ୍ୟକ୍ରମରେ ମୋଦିଙ୍କ ସହ ସାମିଲ୍ ରହିବେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ। ମୋଦି ଓ ମମତାଙ୍କ ଏକ ବୈଠକ ହେବା ନେଇ ମଧ୍ୟ ସମ୍ଭାବନା ରହିଛି । (ଏଜେନ୍ସି)
