ଭୁବନେଶ୍ବର : କରୋନା ପାଇଁ ସାରା ଦେଶରେ ଲକ୍ ଡାଉନ୍ । ଲୋକେ ଘରୁ ବାହାରୁନାହାନ୍ତି। ସାମାଜିକ ଦୂରତ୍ବକୁ ପାଳନ କରିବାକୁ କଡାକଡି ନିର୍ଦ୍ଦେଶ ଜାରି କରାଯାଇଛି। ଲକ୍ ଡାଉନ୍ ପାଇଁ ସ୍କୁଲ ପରୀକ୍ଷାଠାରୁ ଆରମ୍ଭ କରି ବିଶ୍ବବିଦ୍ୟାଳୟ ପର୍ଯ୍ୟନ୍ତ ସମସ୍ତ ପରୀକ୍ଷାକୁ ଘୁଞ୍ଚାଇ ଦିଆଯାଇଛି । ସେହିପରି ଲକ୍ ଡାଉନ୍ ପାଇଁ ପ୍ରଦୂଷଣ କ୍ଲିଅରାନ୍ସ ସାର୍ଟିଫିକେଟ୍ର ବୈଧତା ବଢିଲା । ମାର୍ଚ୍ଚ 22ରୁ ସରୁଥିବା ସାର୍ଟିଫିକେଟ୍ର ବୈଧତା ଜୁନ୍ 30 ଯାଏଁ ବଢିଲା । ବିଏସ୍-ଭିଆଇ ଯାନର ଅସ୍ଥାୟୀ ରେଜିଷ୍ଟ୍ରେସନ୍ର ବୈଧତା ମଧ୍ୟ ଜୁନ୍ 30 ଯାଏଁ ବୃଦ୍ଧି କରାଯାଇଛି । ଟୁଇଟ୍ ଯୋଗେ ରାଜ୍ୟ ପରିବହନ କର୍ତ୍ତୃପକ୍ଷ ପକ୍ଷରୁ ସୂଚନା ଦିଆଯାଇଛି । ପୂର୍ବରୁ ଡିଏଲ୍ ଓ ଗାଡି କାଗଜପତ୍ରର ଅବଧିକୁ ମଧ୍ୟ ବୃଦ୍ଧି କରାଯାଇଥିଲା ।
