ଭୁବନେଶ୍ବର: ଗତକାଲି ପ୍ରଖ୍ୟାତ ଓଡିଆ ସଂଗୀତଜ୍ଞ ପ୍ରଫୁଲ କରଙ୍କ ଦେହାନ୍ତ ହୋଇଯାଇଛି। ଆଜି ପୁରୀ ସ୍ବର୍ଗଦ୍ବାରରେ ତାଙ୍କର ଶେଷକୃତ୍ୟ ସଂପର୍ଣ୍ଣ ହୋଇଛି। ତାଙ୍କର ପରଲୋକ ନେଇ ସାରା ଓଡିଶାରେ ଶୋକର ଛାୟା ଖେଳିଯାଇଛି। ପ୍ରଧାନମନ୍ତ୍ରୀ, ରାଜ୍ୟପାଳ, ମୁଖ୍ୟମନ୍ତ୍ରୀ ସମେତ ବହୁ ବିଶିଷ୍ଟ ବ୍ୟକ୍ତି ଶୋକ ପ୍ରକାଶ କରିଛନ୍ତି। ଏପରି କ୍ଷେତ୍ରରେ ଅନ୍ତର୍ଜାତୀୟ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ମଧ୍ୟ ତାଙ୍କ କଳା ମାଧ୍ୟମରେ ଶ୍ରଦ୍ଧାଞ୍ଜଳି ଦେଇଛନ୍ତି।
ସୁଦର୍ଶନ ପୁରୀ ବେଳା ଭୂମିରେ ପ୍ରଫୁଲ କରଙ୍କ ଏକ ବାଲୁକା କଳା ନିର୍ମାଣ କରିଛନ୍ତି। ଏଥିରେ ସେ ଉଲ୍ଲେଖ କରିଛନ୍ତି ଯେ, ମୁଁ ଆସିଛି ଏକା ଯିବି ମୁଁ ଏକା ହୋଇ। ଏଥିସହିତ ସେ ଲେଖିଛନ୍ତି ପ୍ରଫୁଲ କରଙ୍କୁ ଅଶ୍ରୁଳ ଶ୍ରଦ୍ଧାଞ୍ଜଳି। ସୁଦର୍ଶନ ଏହି କଳାରେ ସେ ପ୍ରଫୁଲଙ୍କ ଚିରାଚରିତ ପଂଜାବି ଏବଂ ଉତ୍ତରୀୟକୁ ପ୍ରଦର୍ଶିତ କରିଛନ୍ତି।