The Samikhsya Odia
ନୂଆଦିଲ୍ଲୀ: ଆଜି ସକାଳେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ହସପିଟାଲରେ ଭର୍ତ୍ତି ହୋଇଥିଲେ। କାରଣ ଥିଲା ତାଙ୍କର ଡାହାଣ ଆଖିର ମୋତିଆ ବନ୍ଦୁ ଅପରେସନ କରାଯାଇଥିଲା। ସେଥିପାଇଁ ତାଙ୍କୁ ନୂଆଦିଲ୍ଲୀସ୍ଥିତ ଆର୍ମି ହସପିଟାଲରେ ଭର୍ତ୍ତି କରାଯାଇଥିଲା। ସେ ଆଜି ସକାଳେ ହସପିଟାଲ ଯାଇଥିଲେ, ଅପରେସନ ପରେ ତାଙ୍କୁ ଡିସଚାର୍ଯ୍ୟ କରାଯାଇଛି।
ରାଷ୍ଟ୍ରପତିଙ୍କର ଗତ ଅକ୍ଟୋବର16 ତାରିଖରେ ବାମ ଆଖିରେ ଅପରେସନ କରାଯାଇଥିଲା। ଏହାପରେ ଆଜି ଡାହାଣ ଆଖିର ମୋତିଆ ବିନ୍ଦୁ ଅପରେସନ କରାଯାଇଛି।
ପୁରୀ: ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଓଡିଶା ଗସ୍ତ ସମସ୍ତଙ୍କ ମନ ମୋହି ନେଇଛି। ସମ୍ବାଧାନର ଉଚ୍ଚ ପଦବୀରେ ଥିବା ଦ୍ରୌପଦୀ ମୁର୍ମୁ ଯେପରି ଭକ୍ତି ପ୍ରଦର୍ଶନ କଲେ ତାହା ଥିଲା ନିଆରା। ସେ ଗତକାଲି ବଡ ଦାଣ୍ଡରେ ପ୍ରବେଶ କରିବା ମାତ୍ରେ ସୁରକ୍ଷା ବଳୟ ପରିତ୍ୟାଗ କରି ସେ ଚାଲିଚାଲି ଶ୍ରୀମନ୍ଦିର ଅଭିମୁଖେ ଯାଇଥିଲେ।
ଶ୍ରୀମନ୍ଦିର ଟିକିଏ ପୂର୍ବରୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ବଡଦାଣ୍ଡରେ ଅଣ୍ଟା ଭାଙ୍ଗି ମୁଣ୍ଡ ନୁଆଁଇ ନୀଳଚକ୍ରକୁ ମୁଣ୍ଡିଆ ମାରିଥିଲେ। ଯାହା ସେଠାରେ ଉପସ୍ଥିତି ଥିବା ଲୋକଙ୍କ ବିମୋହିତ କରିଦେଇଥିଲା। ସେହିପରି ସେ ସିଂହଦ୍ବାର ସମ୍ମୁଖକୁ ଆସି ସେଠାରେ ଥିବା ଅରୁଣ ସ୍ତମ୍ବକୁ ଛୁଇଁ ମୁଣ୍ଡିଆ ମାରିଥିଲା। ଏସବୁ ଭକ୍ତି ଭାବକୁ ନେଇ ପୁରୀରେ କାହିଁକି ସାରା ଓଡିଶାରେ ବେଶ୍ ପ୍ରଶଂସା କରାଯାଇଛି।