ମୁମ୍ବାଇ : ମହାରାଷ୍ଟ୍ର ସରକାର ଲକ୍ ଡାଉନ୍ ପାଇଁ ଲୋକଙ୍କୁ ସାହାଯ୍ୟ କରିବା ପାଇଁ ତିନି ମାସର ରାସନ ସାମଗ୍ରୀ ମାଗଣାରେ ଯୋଗାଇ ଦେବା ପାଇଁ ଘୋଷଣା କରିଛନ୍ତି। ଗରିବ ଓ ଖଟିଖିଆଙ୍କୁ ଲକ୍ ଡାଉନ୍ ସମୟରେ ଖାଦ୍ୟର ଅଭାବ ନ ହେବା ପାଇଁ ଏପରି ପଦକ୍ଷେପ ନେଇଛନ୍ତି ରାଜ୍ୟ ସରକାର। ରାସନ ଦୋକାନରେ ତିନି ମାସର ରାସନ ଦିଆଯିବା ନେଇ ନିର୍ଦ୍ଦେଶ ରହିଥିବାବେଳେ ଏନେଇ ରାସନ ଦୋକାନୀଙ୍କ ସୂଚନୀ ଓ ମୋବାଇଲ ନମ୍ବର ମଧ୍ୟ ଜାରି କରାଯାଇଛି । କିନ୍ତୁ ଯେଉଁ ମାନଙ୍କ ପାଖରେ ରାସନ କାର୍ଡ ନାହିଁ ସେମାନଙ୍କୁ ମଧ୍ୟ ରାସନ ସାମଗ୍ରୀ ମିଳିପାରିବ। ସେଥିପାଇଁ ରାସନ ଦୋକାନରେ ଏକ ଫର୍ମ ଉପଲବ୍ଧ ରହିଛି, ଯାହାକୁ ପୂରଣ କରି ଦୋକାନରେ ଦେଲେ ଆରାମରେ ରାସନ ସାମଗ୍ରୀ ପାଇପାରିବେ।
ସେହିପରି ଗରିବ, ଖଟିଖିଆଙ୍କ ରହିବା ଓ ଖାଇବା ଲାଗି ବ୍ୟବସ୍ଥା କରିବାକୁ ମଧ୍ୟ ରାଜ୍ୟସରକାର ଜିଲ୍ଲାଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି। କରୋନା ମୁକାବିଲା କେନ୍ଦ୍ର ସରକାର 21 ଦିନିଆ ଲକ୍ ଡାଉନ୍ ଘୋଷଣା କରିବା ପରେ ଏହି ଖଟିଖିଆମାନେ ନିଜ ଭିଟାମାଟିକୁ ଫେରୁଛନ୍ତି । ଯାହାପଳରେ ସାମାଜିକ ଦୂରତ୍ବ ବାଧାପ୍ରାପ୍ତ ହେଉଛି। ଏପରି ଅବସ୍ଥା ଦେଖି ରାଜ୍ୟ ସରକାର ଓ କେନ୍ଦ୍ର ସରକାରମାନେ ସେମାନଙ୍କ ଦାୟିତ୍ବ ଗ୍ରହଣ କରିବା ପୂର୍ବକ ସେମାନେ ଯେଉଁଠି ରହିଛନ୍ତି, ସେଇଠାରେ ହିଁ ତାଙ୍କୁ ଖାଦ୍ୟ ଓ ରହିବାର ସୁବିଧା ଯୋଗାଇ ଦିଆଯାଉଛ ।
ସେହିପରି ଜିଲ୍ଲାଧିକାରୀମାନେ ଶ୍ରମିକମାନଙ୍କର ସ୍ବାସ୍ଥ୍ୟ ପରୀକ୍ଷା କରିବା ସହ 14 ଦିନ କ୍ବାରେଣ୍ଟାଇନ୍ରେ ରଖିବା ନେଇ ମଧ୍ୟ ପ୍ରସ୍ତୁତି କରିଛନ୍ତି । ସେହିପରି ଶ୍ରମିକ ତଥା ଖଟିଖିଆ ମାନେ ରହୁଥିବା ଭଡା ଘରେ ଏକ ମାସର ଘର ଭଡା ନ ନେବାକୁ ଘର ମାଲିକଙ୍କୁ ସରକାର ଆଦେଶ ଦେଇଛନ୍ତି। (ଏଜେନ୍ସି)