ନୂଆଦିଲ୍ଲୀ: ଯଦି ଚଳିତ ବର୍ଷ ଭାରତରେ ଲୋକସଭା ନିର୍ବାଚନ ହେବାକୁ ଯାଉଛି, ତେବେ ବିଦେଶୀ ମାଟିରେ ଆଇପିଏଲ୍ ଆୟୋଜିତ ହେବ କି? ବାସ୍ତବରେ, ଏହା ପୂର୍ବରୁ, ଲୋକସଭା ନିର୍ବାଚନ ୨୦୧୯ ରେ କେବଳ ଭାରତରେ ଆଇପିଏଲ୍ ଆୟୋଜିତ ହୋଇଥିଲା। କିନ୍ତୁ ଆଇପିଏଲ୍ ୨୦୦୯ ଏବଂ ୨୦୧୪ ବିଦେଶୀ ମାଟିରେ ଆୟୋଜିତ ହୋଇଥିଲା। ଆଇପିଏଲ୍ ୨୦୧୪ ଦୁବାଇରେ ଖେଳାଯାଇଥିଲା। ଦକ୍ଷିଣ ଆଫ୍ରିକାରେ ୨୦୦୯ ଆଇପିଏଲ୍ ଅନୁଷ୍ଠିତ ହୋଇଥିବାବେଳେ ଏଥର କ’ଣ ହେବ? ବିସିସିଆଇର ଉପାଧ୍ୟକ୍ଷ ରାଜୀବ ଶୁକ୍ଲା ଏହି ପ୍ରଶ୍ନର ଉତ୍ତର ଦେଇଛନ୍ତି।
ବିସିସିଆଇ ଉପାଧ୍ୟକ୍ଷ ରାଜୀବ ଶୁକ୍ଲା ଇନସାଇଡସ୍ପୋର୍ଟ ସହ ଏକ ବାର୍ତ୍ତାଳାପରେ କହିଛନ୍ତି ଯେ, ଆଇପିଏଲ୍ ୨୦୨୪ ସିଜନ୍ ଭାରତୀୟ ମାଟିରେ କିମ୍ବା ବିଦେଶୀ ମାଟିରେ ଖେଳାଯିବ କି ନାହିଁ … ବର୍ତ୍ତମାନ ସୁଦ୍ଧା ଏ ବାବଦରେ କୌଣସି ନିଷ୍ପତ୍ତି ନିଆଯାଇ ନାହିଁ। ଆମେ ସରକାରଙ୍କ ସହ ଆଲୋଚନା କରିବୁ, ଏହା ପରେ ଏହା ଉପରେ ଚୂଡ଼ାନ୍ତ ନିଷ୍ପତ୍ତି ନିଆଯିବ। ସେ କହିଛନ୍ତି ଯେ, ଭାରତ ସରକାରଙ୍କ ସହ ଆମର ଆଲୋଚନା ଚାଲିଛି। ତେଣୁ ଆଇପିଏଲ ୨୦୨୪ ସଂସ୍କରଣ ଭାରତୀୟ ମାଟିରେ ଖେଳାଯିବ କି ନାହିଁ ତାହା କେନ୍ଦ୍ର ଗୃହ ମନ୍ତ୍ରଣାଳୟ ସ୍ଥିର କରିବ।
ଏହା ବ୍ୟତୀତ ରାଜୀବ ଶୁକ୍ଲା ମହିଳା ପ୍ରିମିୟର ଲିଗ୍ ସ୍ଥାନ ଉପରେ ନିଜର ମତ ରଖିଥିଲେ। ସେ କହିଛନ୍ତି ଯେ, ମହିଳା ପ୍ରିମିୟର ଲିଗର ଦ୍ୱିତୀୟ ସିଜିନର ମ୍ୟାଚ୍ ବାଙ୍ଗାଲୋର ଏବଂ ଦିଲ୍ଲୀରେ ଖେଳାଯିବ। ଅର୍ଥାତ୍ ଏହି ସିଜିନରେ ମ୍ୟାଚ୍ କେବଳ ୨ ଟି ସ୍ଥାନରେ ଅନୁଷ୍ଠିତ ହେବ। ମହିଳା ପ୍ରିମିୟର ଲିଗ୍ ପାଇଁ ପ୍ରସ୍ତୁତି ଚାଲିଛି ବୋଲି ରାଜୀବ ଶୁକ୍ଲା କହିଛନ୍ତି। ଡବ୍ଲୁପିଏଲ୍ ମ୍ୟାଚ୍ ର ଅଧା ବାଙ୍ଗାଲୋରରେ ଏବଂ ଅଧା ଦିଲ୍ଲୀରେ ଅନୁଷ୍ଠିତ ହେବ। ଏଥି ସହିତ, ବିଶ୍ୱାସ କରାଯାଏ ଯେ IPL ୨୦୨୪ ସଂସକର୍ନ ମାର୍ଚ୍ଚ ୨୨ ତାରିଖରୁ ଆରମ୍ଭ ହୋଇପାରେ। ତେବେ ଏ ସମ୍ପର୍କରେ ସରକାରୀ ସୂଚନା ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ।