ନୂଆଦିଲ୍ଲୀ,26/12 : ଜେଜେପି ମୁଖ୍ୟ ଦୁଷ୍ୟନ୍ତ ଚୌତାଲାଙ୍କ ପାଇଁ ଅଡୁଆ ବଢିବାରେ ଲାଗିଛି । ଜେଜେପିର ଜନୈକ ବରିଷ୍ଠ ନେତା ରାମ କୁମାର ଗୌତମ ଦଳରୁ ଇସ୍ତଫା ଦେଇଛନ୍ତି । ଦଳର ଉପ ସଭାପତି ରହିଥିବା 73 ବର୍ଷୀୟ ରାମ କୁମାର ଗୌତମ ନିଜର ଇସ୍ତଫା ପତ୍ର ପ୍ରଦାନ କରିବା ସହିତ ଦୁଷ୍ୟନ୍ତ ଚୌତାଲାଙ୍କୁ ସମାଲୋଚନା କରିଛନ୍ତି । ବିଜେପି ସହିତ ମେଣ୍ଟକୁ ନେଇ ଜେଜେପି ପକ୍ଷରୁ ସମାଲୋଚନା କରିଛନ୍ତି ଗୌତମ । ଗୌତମ କହିଛନ୍ତି ଦଳୀୟ ବିଧାୟକଙ୍କ ସମର୍ଥନ କାରଣରୁ ହିଁ ଦୁଷ୍ୟନ୍ତ ଉପ ମୁଖ୍ୟମନ୍ତ୍ରୀ ହୋଇଛନ୍ତି । ମାତ୍ର ବିଜେପି ସହିତ ମେଣ୍ଟ ପୂର୍ବରୁ କୌଣସି ସଦସ୍ୟଙ୍କ ପରାମର୍ଶ ନେଇନଥିଲେ ଦୁଷ୍ୟନ୍ତ । ଆମ୍ବିଆନ୍ସ ମଲ୍ରେ ବିଜେପି ସହିତ ଆଲୋଚନା କରି ସମର୍ଥନର ନିଷ୍ପତ୍ତି ନେଇଥିଲେ ଦୁଷ୍ୟନ୍ତ । ଦଳର ଏକାଧିକ ସଦସ୍ୟ ଦୁଷ୍ୟନ୍ତଙ୍କ ନିଷ୍ପତ୍ତିକୁ ନେଇ ନିଜର ବିରୋଧାଭାସ ପ୍ରକଟ କରିଛନ୍ତି । (ଏଜେନ୍ସୀ)
Categories
ଦଳରୁ ଇସ୍ତଫା ଦେଲେ ଜେଜେପି ବିଧାୟକ
