ସମୀକ୍ଷା ବ୍ୟୁରୋ
ଜଗତସିଂହପୁର: ଖାକିରେ ପୁଣି ଲାଗିଲା ଦାଗ। ସିଆଇଏସଏଫ୍ କନେଷ୍ଟବଳଙ୍କ ନାଁରେ ଦୁଷ୍କର୍ମ ଅଭିଯୋଗ ହୋଇଛି। ଜଗତସିଂହପୁର ଅଭୟଚନ୍ଦପୁର ଥାନା ଅଂଚଳରେ ଜଣେ ସାଢେ ଚାରି ବର୍ଷର ନାବାଳିକାକୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି। ପଡ଼ୋଶୀ ଘର ନାବାଳିକା ଝିଅକୁ ଚକଲେଟ ଦେବା ବାହାନାରେ ସେ ଦୁଷ୍କର୍ମ କରିଥିବା ଅଭୟଚନ୍ଦପୁର ଥାନାରେ ଅଭଯୋଗ ହୋଇଛି। ଅଭିଯୋଗ ଆଧାରରେ ଆଜି ସିଆଇଏସଏଫ ହେଡ଼ କନେଷ୍ଟେବଲ ଏମ. କାଣ୍ଡାସ୍ୱାମୀ ଗିରଫ କରି ପଚରାଉଚରା କରୁଛି ପୋଲିସ। କାଣ୍ଡାସ୍ବାମୀଙ୍କ ଘର ତାମିଲନାଡୁରେ ବୋଲି ଜଣାପଡିଥିବାବେଳେ ସେ ସିଆଇଏସଏଫ୍ ବାରାକ୍ରେ ରହୁଥିଲେ। ଦୁଷ୍କର୍ମର ଶିକାର ହୋଇଥିବା ନାବାଳିକାର ବାପା ମଧ୍ୟ ସିଆଇଏସଏଫରେ କନେଷ୍ଟେବଳ ଅଛନ୍ତି ।
