ଭୋପାଳରୁ ବିଜେପିର ପ୍ରାର୍ଥୀ ହୋଇଥିବା ସାଧ୍ବୀ ପ୍ରଜ୍ଞାଙ୍କ ବିବାଦୀୟ ବୟାନକୁ ନେଇ ନିର୍ବାଚନ କମିଶନର ନୋଟିସ୍ ଜାରି କରିଥିବାବେଳେ ଏହାକୁ ନେଇ ସୁଶ୍ରୀ ମାୟାବତୀ ଟୁଇଟ୍ କରି ତାଙ୍କ ନାମାଙ୍କନ ପତ୍ର ରଦ୍ଦ କରବାକୁ ଇସିଙ୍କୁ ଅନୁରୋଧ କରିଛନ୍ତି। ସେ ଟୁଇଟ୍ରେ ଲେଖିଛନ୍ତି ଯେ, ‘ଭୋପାଳରେ ବିଜେପି ପ୍ରତ୍ୟାଶୀ ତଥା ମାଲେଗାଁ ବ୍ଲାଷ୍ଟ ଆରୋପୀ ସାଧ୍ବୀ ପ୍ରଜ୍ଞାର ଧର୍ମକୁ ନେଇ ଯୁଦ୍ଧ କରୁଛନ୍ତି। ଏହା ହେଉଛି ବିଜେପି ଆରଏସଏସ୍ଙ୍କ ଅସଲି ଚେହେରା। କିନ୍ତୁ ଆୟୋଗ ପ୍ରଜ୍ଞାଙ୍କ ବିବାଦୀୟ ବୟାନ ପାଇଁ ନୋଟିସ୍ ଜାରି କରିଥିବାବେଳେ, ତାଙ୍କ ନାମାଙ୍କନ ରଦ୍ଦ କ’ଣ ପାଇଁ କରୁନାହାନ୍ତି ବୋଲି ମାୟାବତୀ ଇସିଙ୍କୁ ପ୍ରଶ୍ନ କରିବା ସହିତ ପ୍ରଜ୍ଞାଙ୍କ ନାମାଙ୍କନ ରଦ୍ଦ ପାଇଁ ଦାବି କରିଛନ୍ତି। ମାୟାବତୀ ନିର୍ବାଚନ ଆୟୋଗ ନିଷ୍ପକ୍ଷତା ସହ କାମ କରୁନଥିବା ଲୋକତନ୍ତ୍ର ପାଇଁ ବଡ ଚିନ୍ତାର କାରଣ ହୋଇଛି ବୋଲି କହିବା ସହିତ ଏଥିପାଇଁ ବିଜେପି ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଗମ୍ଭୀର ରୂପରେ ଦାୟୀ କରିଛନ୍ତି। ଭୋପାଳର କଂଗ୍ରେସ ପ୍ରାର୍ଥୀ ଦିଗ୍ବିଜୟ ସିଂଙ୍କ ବିରୋଧରେ ପ୍ରଜ୍ଞା ନିର୍ବାଚନ ଲଢୁଛନ୍ତି।
