ମୁମ୍ବାଇ, ଶେଷରେ ଅଭିନେତ୍ରୀ ରିୟା ଚକ୍ରବର୍ତ୍ତି ମୁମ୍ବାଇ ଇଡି ଅଫିସରେ ହାଜର ହୋଇଛନ୍ତି। ଅର୍ଥ କାରାବାର ଉପରେ ଆଜି ହାଜର ହେବା ପାଇଁ ଇଡି ରିୟାଙ୍କୁ ସମନ କରିଥିଲେ। ସେହି ଅନୁସାରେ ଆଜି ରିୟା ଇଡିରେ ହାଜର ହୋଇ ଜେରାର ସମ୍ମୁଖୀନ ହେବ। ଅଭିନେତା ସୁଶାନ୍ତ ସିଂ ରାଜପୁତଙ୍କ ବ୍ୟାଙ୍କ ଆକାଉଣ୍ଟର କୋଟି କୋଟି ଟଙ୍କା ରିୟା ଏବଂ ତାଙ୍କ ପରିବାର ସଦସ୍ୟଙ୍କ ଆକାଉଣ୍ଟକୁ ଟ୍ରାନସଫର ହୋଇଛି। ସେ ନେଇ ଇଡି ରିୟାଙ୍କୁ ପଚରା ଉଚୁରା କରିବ ବୋଲି ଜଣିପଡିଛି।
ସେହିପରି ସୁଶାନ୍ତ ସିଂ ରାଜପୁତ ଆତ୍ମହତ୍ୟା ମାମଲରେ ବିହାର ପୋଲିସ ମଧ୍ୟ ରିୟାଙ୍କୁ ଜେରା କରିବା ପାଇଁ ମୁମ୍ବାଇରେ ଡେରା ପକାଇଛି। ଇଡିରୁ ଆସିବା ପରେ ହୁଏତ ବିହାର ପୋଲିସ ତାଙ୍କୁ ଜେରା କରିବା ପାଇଁ ନେଇପାରେ।