ମିସ୍ ୟୁନିଭର୍ସ ତଥା ବଲିଉଡ୍ ଅଭିନେତ୍ରୀ ସୁସ୍ମିତା ସେନ୍ ଅନେକ ଦିନ ହେବ ତାଙ୍କ ବୟଫ୍ରେଣ୍ଡ୍ଙ୍କୁ ନେଇ ଚର୍ଚ୍ଚାରେ ରହିଛନ୍ତି। ନିକଟରେ ସେ ତାଙ୍କ ବୟଫ୍ରେଣ୍ଡ୍ ରୋହମନ ଶୋଲ୍ଙ୍କ ସହିତ ଫେରାର୍ ହେବାକୁ ଚାହୁଁଛନ୍ତି ବୋଲି ସେ ଏକ କ୍ୟାପ୍ସନ୍ ଲେଖି ନିଜ ଇନ୍ଷ୍ଟାଗ୍ରାମ୍ରେ ଫଟୋ ଅପ୍ଲୋଡ୍ କରିଥିଲେ। ପୂର୍ବରୁ ତାଙ୍କ ସହ ବ୍ୟାୟାମ୍ କରିବା ଓ ତାଙ୍କ ପିଲାଙ୍କ ସହ ମସ୍ତି କରିବା ଆଦି ନେଇ ବେଶ୍ ଚର୍ଚ୍ଚାକୁ ଆସିଥିଲେ। ନିକଟରେ ଏବେ ସେ ରୋହମନ୍ଙ୍କ ସହ ନିର୍ବନ୍ଧ କରିଛନ୍ତି ବୋଲି ଶୁଣିବାକୁ ମିଳିଛି। ସୁସ୍ମିତା ନିଜ ଇନ୍ଷ୍ଟାଗ୍ରାମ୍ରେ ଏକ ଫଟୋ ଅପ୍ଲୋଡ୍ କରିଛନ୍ତି, ଯେଉଁଥିରେ ସେ ରୋହମନ୍ ସହ ଥିବାବେଳେ ତାଙ୍କ ଆଙ୍ଗୁଠିରେ ଏକ ସୁନ୍ଦର ମୁଦି ରହିଛି। ଏବଂ ଏହି ଫଟୋକୁ ସେୟାର କରି ଏହାର କ୍ୟାପ୍ସନ୍ରେ ସୁସ୍ମିତା ମୁଁ କେବଳ ତୁମର ବୋଲି ଲେଖିଛନ୍ତି। ଏହି ଫଟୋକୁ ଦେଖି ସୁସ୍ମିତା ନିର୍ବନ୍ଧ କରିଛନ୍ତି ବୋଲି ଜଣାପଡୁଛି। ତେବେ ଏହି ବିଷୟରେ ସୁସ୍ମିତା କିଛି ଜଣାଇନାହାନ୍ତି। ଏହି ୪୩ ବର୍ଷୀୟା ସୁନ୍ଦରୀ ଜଣକ ୧୯୯୪ରେ ମିସ୍ ୟୁନିଭର୍ସର ଟାଇଟଲ୍ ଜିତିଥିଲେ। ’ଦସ୍ତକ୍’ ଫିଲ୍ମରୁ ନିଜର ଅଭିନୟ କ୍ୟାରିଅର୍ ଆରମ୍ଭ କରିଥିବାବେଳେ ’ସିର୍ଫ ତୁମ୍’, ’ହିନ୍ଦୁସ୍ତାନ୍ କି କସମ୍’, ’ବିଓ୍ବି ନଂ ଓ୍ବାନ୍’, ’ଆଖେଁ’, ’‘ମୈ ହୁଁ ନା’, ‘ମୈନେ ପ୍ୟାର କ୍ୟୁଁ କିୟା’, ‘ଫିଲ୍ହାଲ୍’, ‘ସମୟ – ଓ୍ବେନ୍ ଟାଇମ୍ ଷ୍ଟ୍ରାଇକ୍ସ’, ’ଚିଙ୍ଗାରୀ’, ‘ଜିନ୍ଦଗୀ ରକ୍ସ’ ଆଦି ଫିଲ୍ମରେ ଅଭିନୟ କରିଛନ୍ତି।
