The Samikhsya Odia
ଭୁବନେଶ୍ବର: ଆଜି ବିଜେଡି ଦଳର ବରିଷ୍ଠ ନେତା ସଂଜୟ ଦାସବର୍ମାଙ୍କୁ ନୂଆ ଦାୟିତ୍ବ ଦେଇଛି। ସେହିପରି ଆଜି ଦଳରେ ସାମିଲ ହୋଇଥିବା ବିର୍ଲା କଂପାନୀର ପୂର୍ବତନ ସିଇଓ ସନ୍ତୃପ୍ତ ମିଶ୍ରଙ୍କୁ ମଧ୍ୟ ନୂଆ ଦାୟିତ୍ବ ଦେଇଛି। ସଂଜୟଙ୍କୁ ଦଳ ମୁଖ୍ୟପାତ୍ର ଭାବେ ଘୋଷଣା କରିଛି। ସେ ପୂର୍ବରୁ ଭଦ୍ରକର ଦଳୀୟ ପର୍ଯ୍ୟବେକ୍ଷକ ଅଛନ୍ତି।
ସେହିପରି ସନ୍ତୃପ୍ତ ମିଶ୍ରଙ୍କୁ ମିଳିଛି ଜାତୀୟ ମୁଖପାତ୍ର ଦାୟିତ୍ବ। ସେ ଆଦିତ୍ୟ ବିର୍ଲାର ସିଇଓ ଥିବା ବେଳେ ରାଜ୍ୟ ବାହାରେ ଚାକିରୀ କରୁଥିଲେ। ସେ ଗତ ଡିସେମ୍ବର ମାସରେ ବିର୍ଲା ସିଇଓ ପଦବୀରୁ ଇସ୍ତଫା ଦେଇଥିଲେ। ଆଜି ସେ ମୁଖ୍ୟମନ୍ତ୍ରୀଙ୍କ ଉପସ୍ଥିତିରେ ଦଳରେ ସାମିଲ ହୋଇଛନ୍ତି।
ଭୁବନେଶ୍ବର: ବିଜେଡି ଆଜି ଦଳର ଦୁଇଜଣ ବରିଷ୍ଠ ନେତାଙ୍କୁ ନୂଆ ଦାୟିତ୍ବ ପ୍ରଦାନ କରିଛି। ସେମାନେ ହେଲେ ସଂଜୟ ଦାସବର୍ମା ଏବଂ ପ୍ରତାପ ଜେନା। ଉଭୟ ନେତା ପୂର୍ବରୁ ବିବାଦୀୟ ହୋଇ ରହିଛନ୍ତି। ପ୍ରତାପ କୋର୍ଟ ମାମଲାରେ ଛନ୍ଦି ହୋଇଥିବା ବେଳେ ସଂଜୟ ଦୀର୍ଘ ଦିନ ଧରି ଦଳର ସକ୍ରିୟ ରହୁ ନାହାଁନ୍ତି।
ତେବେ ଉଭୟଙ୍କୁ ଦଳ ଆଜି ଦୁଇଟି ଜିଲ୍ଲାର ପର୍ଯ୍ୟବେକ୍ଷକ ଭାବେ ନିଯୁକ୍ତି ପ୍ରଦାନ କରିଛି। ପ୍ରତାପ ଜେନାଙ୍କୁ ଦଳ କେନ୍ଦ୍ରାପଡା ଜିଲ୍ଲା ପର୍ଯ୍ୟବେକ୍ଷକ ଭାବେ ନିଯୁକ୍ତି ପ୍ରଦାନ କରିଛି। ସେହି ପରି ସଂଜୟ ଦାସବର୍ମାଙ୍କୁ ଦଳ ଭଦ୍ରକ ଜିଲ୍ଲା ପର୍ଯ୍ୟବେକ୍ଷକ ଭାବେ ନିଯୁକ୍ତି ପ୍ରଦାନ କରିଛି। ଏ ନେଇ ଦଳର ସଂଗଠନ ସଂପାଦକ ପ୍ରଣବ ପ୍ରକାଶ ଦାସଙ୍କ ଦସ୍ତଖତରେ ଏକ ବିଜ୍ଞପ୍ତି ପ୍ରକାଶ ପାଇଛି।