The Samikhsya Odia
ମୁମ୍ବାଇ : କୋରୋନା ଭାଇରସ୍ ପ୍ରଭାବରେ ବିଶ୍ବର ଅର୍ଥନୀତି ଭୁଷୁଡି ପଡିଥିବା ବେଳେ ଭାରତୀୟ ସେୟାର ବଜାର ମଧ୍ୟ ପ୍ରଭାବିତ ହୋଇଛି । ଗୁରୁବାର ଭାରତୀୟ ସେୟାର ବଜାର 465 ପଏଣ୍ଟ ତଳକୁ ଖସିଛି । ଗୁରୁବାର ସେନସେକ୍ସ 39947.80 ପଏଣ୍ଟରୁ ଆରମ୍ଭ ହୋଇଥିବା ବେଳେ 465 ପଏଣ୍ଟ ତଳକୁ ଖସି 39423.27 ପଏଣ୍ଟରେ ପହଞ୍ଚିଛି । ଏହି ସମୟରେ ନିଫ୍ଟୀ 58 ପଏଣ୍ଟ ତଳକୁ ଖସିଛି । ନିଫ୍ଟୀ 58.5 ପଏଣ୍ଟ ତଳକୁ ଖସି 11620.45 ପଏଣ୍ଟରେ ପହଞ୍ଚିଛି । ଏହା ସହିତ କୋରୋନା ଭାଇରସ୍ ପ୍ରଭାବରେ ଅନ୍ୟ ଦେଶର ସେୟାର ବଜାର ମଧ୍ୟ ଗଭୀର ଭାବରେ ପ୍ରଭାବିତ ହୋଇଛି । (ଏଜେନ୍ସି)
ମୁମ୍ବାଇ : ଭାରତୀୟ ସେୟାର ବଜାର ସେନସେକ୍ସ ସୋମବାର 800 ପଏଣ୍ଟ ତଳକୁ ଖସିଛି । କୋରୋନା ଭାଇରସ୍ ପ୍ରଭାବରେ ବିଶ୍ବ ବଜାର ତଳୁଆ ରହିଥିବା ବେଳେ ଭାରତୀୟ ସେୟାର ବଜାର ଉପରେ ଏହାର ପ୍ରଭାବ ପଡିଛି । ସେନ୍ସେକ୍ସ 806.89 ପଏଣ୍ଟ ତଳକୁ ଖସି 40363.23 ପଏଣ୍ଟରେ ରହିଛି । ଅନ୍ୟପକ୍ଷରେ ନିଫ୍ଟୀ 251.45 ପଏଣ୍ଟ ତଳକୁ ଖସି 11829.40 ପଏଣ୍ଟରେ ରହିଛି । ଏହି ସମୟରେ ୟୁରୋପିଆନ ବଜାର 3.87 ପ୍ରତିଶତ ତଳକୁ ଖସିଛି । ନାସ୍ଡାକ୍ 3.2 ପ୍ରତିଶତ ତଳକୁ ଖସିଥିବା ବେଳେ ଡିଓଡବ୍ଲ୍ୟୁ 1.5 ପ୍ରତିଶତ ତଳୁଆ ରହିଛି । ଡଲାରର ବିନିମୟ ମୂଲ୍ୟ ଏହି ସମୟରେ 20 ପଇସା ହ୍ରାସ ପାଇ 71.86 ଟଙ୍କାରେ ପହଞ୍ଚିଛି । (ଏଜେନ୍ସି)