The Samikhsya Odia
କରାଚୀ : ପାକିସ୍ତାନୀ କ୍ରିକେଟର ସାହିଦ୍ ଆଫ୍ରିଦି କରୋନାରେ ଆକ୍ରାନ୍ତ ହୋଇଛନ୍ତି । ପାକିସ୍ତାନର ଏହି 40 ବର୍ଷୀୟ କ୍ରିକେଟର ଶନିବାର ଦିନ କରୋନା ପଜିଟିଭ୍ ହୋଇଥିବା ନେଇ ଟ୍ବିଟ୍ କରିଛନ୍ତି । ଗୁରୁବାର ଠାରୁ ଅସୁସ୍ଥ ଥିବା ଆଫ୍ରିଦିଙ୍କ ରିପୋର୍ଟ ଆଜି ପଜିଟଗିଭ୍ ଆସିଥିଲା । ଏହା ସହିତ ଶୀଘ୍ର ସୁସ୍ଥ ହେବା ପାଇଁ ପ୍ରାର୍ଥନା କରନ୍ତୁ ବୋଲି ଫ୍ୟାନ୍ ମାନଙ୍କୁ ଅନୁରୋଧ କରିବା ସହିତ ଇନ୍ସା ଆଲ୍ଲା ବୋଲି ଟ୍ବିଟ୍ କରିଥିଲେ ଆଫ୍ରିଦି । ଉଲ୍ଲେଖଯୋଗ୍ୟ ଯେ, କିଛି ଦିନ ପୂର୍ବରୁ ଅନ୍ୟତମ ପାକିସ୍ତାନ ଖେଳାଳି ତୌଫିକ୍ ଉମର୍ ମଧ୍ୟ କରୋନାରେ ଆକ୍ରାନ୍ତ ହୋଇଥିଲେ । (ଏଜେନ୍ସି)
ନୂଆଦିଲ୍ଲୀ,୫/୧୨: ଭାରତୀୟ ଓପ୍ନର ରୋହିତ ଶର୍ମା ଏକ ନୂତନ ମାଇଲଖୁଣ୍ଟ ହାସଲ କରିବାର ପାଦଦେଶରେ ଅଛନ୍ତି। ଟି ଟ୍ବେଣ୍ଟିରେ ପ୍ରଥମ ଭାରତୀୟ ଭାବରେ ୪୦୦ ଛକ୍କା ମାରିବାକୁ ଯାଉଛନ୍ତି ରୋହିତ। ଟି-୨୦ରେ ସର୍ବାଧିକ ଛକ୍କା ତାଲିକାରେ ପୂର୍ବରୁ ଦୁଇ ଜଣ ଖେଳାଳି ୪୦୦ ଛକ୍କା ମାରିଛନ୍ତି। ସାହିଦ ଆଫ୍ରିଦି(୪୭୬) ଏବଂ କ୍ରିସ୍ ଗେଲ୍(୫୩୪) ରୋହିତଙ୍କ ଠାରୁ ଆଗୁଆ ଅଛନ୍ତି। ରୋହିତ ବର୍ତ୍ତମାନ ୩୯୯ ଛକ୍କା ମାରିଛନ୍ତି। ଯଦି ଓ୍ବିଣ୍ଡିଜ୍ ବିପକ୍ଷ ପ୍ରଥମ ଟି-୨୦ ମ୍ୟାଚ୍ରେ ଗୋଟିଏ ଛକ୍କା ମାରିଲେ ପ୍ରଥମ ଭାରତୀୟ ବ୍ୟାଟ୍ସମ୍ୟାନ୍ ଭାବରେ ୪୦୦ ଛକ୍କା ମାରିବାର ରେକର୍ଡ କରିବେ ରୋହିତ। ଆସନ୍ତା କାଲି ଠାରୁ ହାଇଦ୍ରାବାଦର ରାଜୀବ ଗାନ୍ଧୀ ଷ୍ଟାଡିୟମରେ ସିରିଜ୍ର ପ୍ରଥମ ମ୍ୟାଚ୍ ଅନୁଷ୍ଠିତ ହେବାକୁ ଯାଉଛି।