ନୂଆଦିଲ୍ଲୀ: ବିହାର କଂଗ୍ରେସ ବିଧାୟକ ଦଳର ନେତା ଶକିଲ ଅହମ୍ମଦ ଖାନଙ୍କ ପୁଅ ଆତ୍ମହତ୍ୟା କରିଛନ୍ତି। କୁହାଯାଉଛି ଯେ, ପୁଅ କୋଠରୀରେ ଫାଶୀ ଲଗାଇ ଆତ୍ମହତ୍ୟା କରିଛି। ଆତ୍ମହତ୍ୟାର କାରଣ ଏପର୍ଯ୍ୟନ୍ତ ଜଣାପଡିନାହିଁ। ଏହି ଘଟଣା ପରେ ପୁରା ପରିବାରରେ ଶୋକର ଛାୟା ଖେଳିଯାଇଛି।
ମୃତଦେହ ପାଟନାରେ ସରକାରୀ ବାସଭବନରୁ ମିଳିଥିଲା:
କୁହାଯାଉଛି ଯେ, ପାଟନାରେ ଶକିଲ ଅହମ୍ମଦ ଖାନଙ୍କ ସରକାରୀ ବାସଭବନରୁ ପୁଅର ମୃତଦେହ ମିଳିଛି। ପୁଅ ରାତିରେ ଶୋଇଥିଲେ। ଆଜି ସକାଳେ ତାଙ୍କ ଶରୀର କୋଠରୀରେ ଝୁଳୁଥିବା ଅବସ୍ଥାରେ ଲୋକମାନେ ଦେଖିଥିଲେ। ସେ ଶକିଲ ଅହମ୍ମଦ ଖାନଙ୍କ ଏକମାତ୍ର ପୁତ୍ର ଥିଲେ।
ଉଲ୍ଲେଖ ଯୋଗ୍ୟ ଯେ, ଶକିଲ ଅହମ୍ମଦ ଖାନଙ୍କ ସରକାରୀ ବାସଭବନ ସଚିବାଳୟ ପୋଲିସ ଷ୍ଟେସନ ଅଞ୍ଚଳରେ ଅଛି। ଏହି ଘଟଣା ସାମ୍ନାକୁ ଆସିବା ପରେ ବରିଷ୍ଠ ପୋଲିସ ଅଧିକାରୀ ଘଟଣାସ୍ଥଳରେ ପହଞ୍ଚିଛନ୍ତି। FSL ଦଳକୁ ଡକାଯାଇଛି। ପୋଲିସ ଘଟଣାର ତଦନ୍ତରେ ବ୍ୟସ୍ତ ଅଛି। ପୁରା ଘଟଣା ସଚିବାଳୟ ପୋଲିସ ଷ୍ଟେସନ ଅଞ୍ଚଳରେ ଘଟିଥିଲା।