Categories
Uncategorized

ଶ୍ରୀନଗର ସେଣ୍ଟ୍ରାଲ ଜେଲ୍‌ରେ ଅଗ୍ନିକାଣ୍ଡ

ଶ୍ରୀନଗର ସେଣ୍ଟ୍ରାଲ ଜେଲ୍‌ରେ ଅଗ୍ନିକାଣ୍ଡ ଘଟିଛି। ଅଗ୍ନିକାଣ୍ଡରେ କେହି ମୃତାହତ ହୋଇନଥିଲେ ମଧ୍ୟ ଏହାପରେ କଏଦୀଙ୍କ ମଧ୍ୟରେ ଗଣ୍ଡଗୋଳ ହେବା ସହିତ ଦଙ୍ଗା ବ୍ୟାପିଥିଲା। ଏହି ଦଙ୍ଗା ପରେ ଜେଲ୍‌ର କିଛି କଏଦୀଙ୍କୁ କାଶ୍ମୀରର ଅନ୍ୟ ଏକ ଜେଲ୍‌କୁ ସ୍ଥାନାନ୍ତର କରାଯାଇଛି। ଜେଲ୍‌ ବିଭାଗର ଡିଜିପି ଦିଲବାଗ ସିଂ  କହିଛନ୍ତି ଯେ, ଏହି ଅଗ୍ନିକାଣ୍ଡ ଜେଲ୍‌ରେ କିଛି କଏଦୀ କରିଛନ୍ତି। ନୂତନ ଆବାସ ନିର୍ମାଣ ନେଇ କଏଦୀ ମାନେ ପୁରାତନ ଜେଲ୍‌ରେ ନିଆଁ ଲଗାଇ ଦେଇଥିଲେ। ଏହି ଅଗ୍ନିକାଣ୍ଡ ସମୟରେ କିଛି କଏଦୀ ପଳାୟନ ଉଦ୍ୟମ କରିଥିଲେ ମଧ୍ୟ ପୋଲିସର ତତ୍ପରତା ଯୋଗୁଁ ଏହା ନାକାମ ହୋଇଥିଲା। ଘଟଣାସ୍ଥଳରେ ଲାଗି ରହିଥିବା ଉତ୍ତେଜନାକୁ ପ୍ରଶମିତ କରିବା ପାଇଁକ ଘଟଣାସ୍ଥଳରେ ବରିଷ୍ଠ ପୋଲିସ ଅଫିସର ଏବଂ ସିଆରପିଏଫ୍‌ ଯବାନଙ୍କୁ ମୁତୟନ କରାଯାଇଛି।