ମୁମ୍ବାଇ,26/11: ପ୍ରିମିୟର ବ୍ୟାଡମିଣ୍ଟନ ଲିଗ୍ ନିଲାମୀର ଗୋଟିଏ ଦିନ ପୂର୍ବରୁ ଦୁଇ ଭାରତୀୟ ଖେଳାଳି ଏହି ଟୁର୍ଣ୍ଣାମେଣ୍ଟରୁ ଓହରି ଯାଇଛନ୍ତି । ବ୍ୟାଡମିଣ୍ଟନ ଷ୍ଟାର ସାଇନା ନେହ୍ବାଲ ଏବଂ କିଦାମ୍ବୀ ଶ୍ରୀକାନ୍ତ ଏହି ଟୁର୍ଣ୍ଣାମେଣ୍ଟରୁ ଓହରି ଯାଇଛନ୍ତି । ଆସନ୍ତାକାଲି ନିଲାମୀ ଅନୁଷ୍ଠିତ ହେବାକୁ ଥିବା ବେଳେ ଏହି ଦୁଇଖେଳାଳିଙ୍କ ଅନୁପସ୍ଥିତି୍ ଫ୍ରାଞ୍ଚାଇଜିଙ୍କ ପାଇଁ ଅଡୁଆ ପରସ୍ଥିତି ସୃଷ୍ଟି କରିଛି । ସ୍ବାସ୍ଥ୍ୟଗତ କାରଣରୁ ସାଇନା ଏହି ଟୁର୍ଣ୍ଣାମେଣ୍ଟରୁ ଓହରି ଯାଇଥିବା ବେଳେ ବିଭିନ୍ନ ଅନ୍ତର୍ଜାତୀୟ ମୁକାବିଲାର ପ୍ରସ୍ତୁତି ପାଇଁ ଶ୍ରୀକାନ୍ତ ଓହରି ଥିବା ସ୍ପଷ୍ଟୀକରଣ ଦେଇଛନ୍ତି । ଉଭୟ ଖେଳାଳି ସୋସିଆଲ ମିଡିଆରେ ଏହି ଘୋଷଣା କରିଛନ୍ତି । ଏହା ସହିତ ନିଜ ନିଜର ଫ୍ରାଞ୍ଚାଇଜିକୁ ଟୁର୍ଣ୍ଣାମେଣ୍ଟ ପାଇଁ ଶୁଭେଚ୍ଛା ଜଣାଇଛନ୍ତି ଉଭୟ ଖେଳାଳି । (ଏଜେ୍ନ୍ସି)
