ନୂଆଦିଲ୍ଲୀ: ଇଣ୍ଡିଆନ୍ ସ୍ପେସ୍ ରିସର୍ଚ୍ଚ ଅର୍ଗାନାଇଜେସନ୍ ବା ISRO ଆଜି ଏକ ନୂଆ ରେକର୍ଡ କରିଛି। ପ୍ରଥମ ଥର ପାଇଁ ଇସ୍ରୋ ଏକ କ୍ଷୁଦ୍ର ସାଟେଲାଇଟ ଉତକ୍ଷେପଣ କରି ଏହି ରେକର୍ଡ କରିଛି। ଆଜି ସକାଳେ ଆନ୍ଧ୍ରପ୍ରଦେଶର ଶ୍ରୀହାରିକୋଟା ଠାରୁ କ୍ଷୁଦ୍ର ସାଟେଲାଇଟ୍ ଲଞ୍ଚ ଯାନ SSLV-D2 ର ଉଡ଼ାଣ ସଫଳତାର ସହିତ କରିଛି।
ଆଜି ସକାଳ 9.18 ରେ ଏହି ଉତକ୍ଷେପଣ ହୋଇଥିଲା। SSLV-D2 ସଫଳତାର ସହିତ ତାହାର ଉଦ୍ଦିଷ୍ଟ କକ୍ଷପଥରେ ତିନୋଟି ସାଟାଲାଇଟ ରଖିଥିଲା। ସେଗୁଡିକ ହେଲା ଆର୍ଥ ଅବଜରଭେସନ୍ ସାଟେଲାଇଟ୍, ଜାନୁସ୍ -1 ଏବଂ ଚେନ୍ନାଇ ଭିତ୍ତିକ ସ୍ପେସ୍ ଷ୍ଟାର୍ଟଅପ୍ ସ୍ପେସ୍ କିଡ୍ସର ଆଜାଡିସାଟ -2 ରେ ସଫଳତାର ସହିତ ରଖିଥିଲା।
120 ମିଟର ଓଜନ ବିଶିଷ୍ଟ 34 ମିଟର ଉଚ୍ଚର SSLV-D2 ସତୀଶ ଧାୱନ ସ୍ପେସ୍ ସେଣ୍ଟରର ପ୍ରଥମ ଲଞ୍ଚ ପ୍ୟାଡରୁ ଉଡାଣ କରିଥିଲା। କଠିନ ଇନ୍ଧନ ଦ୍ୱାରା ଚାଳିତ ତିନୋଟି ପର୍ଯ୍ୟାୟ SSLV-D2 ରେ ଉପଗ୍ରହର ସଠିକ୍ ଇଞ୍ଜେକ୍ସନ୍ ପାଇଁ ତରଳ ଇନ୍ଧନ ଦ୍ୱାରା ଚାଳିତ ଏକ ବେଗ ଟ୍ରିମିଂ ମଡ୍ୟୁଲ୍ ମଧ୍ୟ ଅଛି।
ISRO ରେ ବୈଜ୍ଞାନିକ ଏବଂ ଅତିଥୀଗଣ ଏକତ୍ରିତ ହୋଇ ଏହି ଉଡାଣକୁ ଉପଭୋଗ କରିଥିଲେ।