ନୂଆଦିଲ୍ଲୀ: ଆଜି ଜୈନଚାର୍ଯ୍ୟ ଶ୍ରୀ ବିଜୟ ବଲ୍ଲଭ ସୁରିଶ୍ୱର ମହାରାଜଙ୍କ 151ତମ ଜନ୍ମ ବାର୍ଷିକୀ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭିଡିଓ କନଫରେନ୍ସିଂ ମାଧ୍ୟମରେ ରାଜସ୍ଥାନର ପାଲି ଜିଲ୍ଲାରେ ‘ଷ୍ଟାଚ୍ୟୁ ଅଫ୍ ପିସ୍’ ଉନ୍ମୋଚନ କରିଛନ୍ତି। ଏହି ମୂର୍ତ୍ତିଟି 27 ଫୁଟ୍ ଉଚ୍ଚର ହୋଇଥିବାବେଳେ ଏହାର ଓଜନ 1300 କିଲୋ ରହିଛି। ଏହି ମୂର୍ତ୍ତିର ନିର୍ମାଣରେ ଅଷ୍ଟଧାତୁର ବ୍ୟବହାର ହୋଇଛି । ‘ଷ୍ଟାଚ୍ୟୁ ଅଫ୍ ପିସ୍’ ବିଶ୍ୱରେ ଶାନ୍ତି, ଅହିଂସା ଏବଂ ସେବାର ପ୍ରେରଣା ଉତ୍ସ ହେବ ବୋଲି କହିଛନ୍ତି ପ୍ରଧାନମନ୍ତ୍ରୀ ମୋଦି ।
