The Samikhsya Odia
ମୁମ୍ବାଇ : ମୋରିସ୍ ଗ୍ୟାରେଜ୍ର ନୂତନ ଇଲେକ୍ଟ୍ରିକ୍ ଏସ୍ୟୁଭି କାର୍ ଲଞ୍ଚ କରାଯାଇଛି । ଏହି କାର୍ଟିର ନାମ ଜେଡ୍ ଏସ୍ ଇଭି ରଖାଯାଇଛି । ଗୁରୁବାର ଦିନ ଏମ୍ଜି ପକ୍ଷରୁ ଏହି ନୂତନ କାର ଲଞ୍ଚ କରାଯାଇଛି । କାରଟିର ମୂଲ୍ୟ 19.88 ଲକ୍ଷ ଟଙ୍କା ରହିଥିବା ବେଳେ ଏକ୍ସକ୍ଲ୍ୟୁସିଭ୍ ମଡେଲର ମୂଲ୍ୟ 23.58 ଲକ୍ଷ ଟଙ୍କା ରହିଛି । ପ୍ରଥମ ଥର ପାଇଁ ଏହି କାର୍ର ବ୍ୟାଟେରୀରେ ନୂତନ ବୈଷୟିକ କୌଶଳର ବ୍ୟବହାର କରାଯାଇଛି । ବ୍ୟାଟେରୀ ଉପରେ 8 ବର୍ଷର ଓ୍ବାରେଣ୍ଟୀ ସହିତ ଦେଢ ଲକ୍ଷ କିମିର ଯାତ୍ରା ଉପରେ ମଧ୍ୟ ଓ୍ବାରେଣ୍ଟୀ ପ୍ରଦାନ କରାଯାଇଛି । (ଏଜେନ୍ସୀ)
ହ୍ୟୁଣ୍ଡାଇ ସହିତ ସହଭାଗିତାରେ କିଆ ମୋଟର୍ସ ଭାରତୀୟ ବଜାରରେ ଏହାର ପ୍ରଥମ ଏସ୍ୟୁଭି କାର୍ ଲଞ୍ଚ କରିବାକୁ ଯାଉଛି। ଜୁଲାଇ ମାସ ଶେଷ ସୁଦ୍ଧା ଭାରତରେ ଏହି କାର୍ର ଲଞ୍ଚ କରାଯିବ ବୋଲି କିଆ ମୋଟର୍ସ ପକ୍ଷରୁ ପ୍ରକାଶ କରାଯାଇଛି। ଆନ୍ଧ୍ର ପ୍ରଦେଶରେ ରହିଥିବା କମ୍ପାନୀର କାରଖାନରରେ କାର୍ର ନିର୍ମାଣ କାମ ଚାଲିଥିବା ନେଇ ସୂଚନା ମିଳିଛି। କିଆ ଏସ୍ପି ୨ ଆଇ ମଡେଲର ଏହି କାର୍ଟିରେ ଟାଇଗର୍ ନେଜ୍ ମଡେଲ୍ର ହେଡ୍ଲାଇଟ୍ ରହିବ। କାର୍ଟିରେ ଲୋକେସନ୍, ଜିପିଏସ୍ ଟ୍ରାକର ସହିତ ଏକ ଟଚ୍ ସ୍କ୍ରିନ୍ କନେକ୍ଟିଭିଟି ରହିଛି ଯାହା ଦ୍ବାରା କଲ୍ ଏବଂ ମେସେଜିଂ ସମ୍ଭବ ହେବ। କାର୍ଟି ଉଭୟ ପେଟ୍ରୋଲ ଏବଂ ଡିଜେଲ୍ ଦ୍ବାରା ଚାଲିପାରିବ। କାର୍ଟିରେ ଉଭୟ ମାନୁଆଲ ଏବଂ ସ୍ବଂୟଚାଳିତ ଗିଅର୍ ବ୍ୟବସ୍ଥା ରହିବ। କାର୍ଟିର ମୂଲ୍ୟ ୧୦ ରୁ ୧୫ ଲକ୍ଷ ମଧ୍ୟରେ ରହିବାର ଥିବାବେଳେ ଏହା ହ୍ୟୁଣ୍ଡାଇ କ୍ରେଟା, ଟାଟା ହ୍ୟାରିୟର, ନିସାନ୍ କିକ୍ସ ଏବଂ ରେନଲ୍ଟ କ୍ୟାପ୍ଟର ସହିତ ପ୍ରତିଦ୍ବନ୍ଦିତା କରିବ।