ସହିଦ ଅଜିତ ସାହୁଙ୍କ ମରଶରୀର ଉପରେ ବିଜୁ ଜନତା ଦଳର ଦଳୀୟ ପତାକା ରଖାଯିବାକୁ ନେଇ ଚର୍ଚ୍ଚା ଜୋର୍ ଧରିଛି। ସହିଦ୍ଙ୍କ ଭାଇ ପରମେଶ୍ବର ସାହୁ କହିଛନ୍ତି ଯେ, ଖୁଣ୍ଟୁଣୀରେ ବିଜେଡ଼ି କର୍ମୀ ସହିଦ୍ଙ୍କ ପାର୍ଥିବ ଶରୀର ଉପରେ ଦଳୀୟ ପତାକା ପକାଇଥିଲେ, ଯାହା ତାଙ୍କୁ ଭଲ ଲାଗିନଥିଲା। ଅଳ୍ପ ସମୟ ମଧ୍ୟରେ ସେ ଏହି ପତାକକୁ କାଢି ଦେଇଥିଲେ। ଦେଶ ପାଇଁ ତାଙ୍କ ଭାଇ ସହିଦ୍ ହୋଇଛନ୍ତି, କୌଣସି ଦଳ ପାଇଁ ନୁହେଁ ବୋଲି କହିଛନ୍ତି ପରମେଶ୍ବର। ତେବେ ଏହି ଘଟଣାକୁ ନେଇ ରାଜନୀତି ଆରମ୍ଭ ହୋଇଯାଇଛି। ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ଏହି ଘଟଣା ପାଇଁ ବିଜେଡ଼ିକୁ କଟାକ୍ଷ କରିବା ସହିତ ସହିଦକୁ ନେଇ ବିଜେଡ଼ି ରାଜନୀତି କରୁଛି ବୋଲି କହିଛନ୍ତି। ଏହି ଘଟଣା ପାଇଁ ବିଜେଡ଼ି ସଭାପତି କ୍ଷମା ମାଗନ୍ତୁ ବୋଲି ପୂର୍ବତନ ସୈନିକ ସେଲ୍ ଦାବି କରିଛି। ତେବେ ଏହି ଘଟଣାରେ ବିଜେଡ଼ି ନିଜର ପ୍ରତିକ୍ରିୟା ରଖି ଏହି ଘଟଣାକୁ ନିନ୍ଦା କରିବା ସହିତ ଦୋଷୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛି।
