ହେମାଙ୍ଗ ପ୍ରସାଦ ରାଉଳ
କୁକୁଡାଖଣ୍ଡି: ଶୌଚାଳୟ କାମରେ ମହା ଦୁର୍ନୀତି। କୁକୁଡାଖଣ୍ଡି ବ୍ଲକରେ ଶୌଚାଳୟ ଦୁର୍ନୀତି ଲୋକ ଲୋଚନକୁ ଆସିଛି। କେବଳ କୁକୁଡାଖଣ୍ଡି ବ୍ଲକ ନୁହଁ ଗଞ୍ଜାମ ଜିଲ୍ଲାରେ ପ୍ରାୟ ପ୍ରତ୍ୟେକ ବ୍ଲକରେ ଶୌଚାଳୟ ନିର୍ମାଣକୁ ନେଇ ଅଭିଯୋଗ ହୋଇ ଆସୁଛି। ବ୍ଲକ କର୍ମଚାରୀଙ୍କୁ ହାତ କରି ଏହି ଦୁର୍ନୀତି କରାଯାଉଛି। ଗୋଟିଏ ଶୌଚାଳୟ ପାଇଁ ବାର ହଜାର ଟଙ୍କା ଅନୁଦାନ ରାଶି ଆସୁଥିବା ବେଳେ କାମ ଅତ୍ୟନ୍ତ ନିମ୍ନ ମାନର କରାଯାଉଛି। ନିମ୍ନ ମାନର କାମ ସାଙ୍ଗକୁ ପିସି କାରବାର ହେବାର ନଜିର ଥିଲା କିନ୍ତୁ ସବୁକିଛିଠୁ ବଳି ଗଲା ଏହି ଦୁର୍ନୀତିର ଆଉ ଏକ ଦିଗ। ଗୋଟିଏ ଶୌଚାଳୟକୁ ରଙ୍ଗକରି ଅନ୍ୟନାମରେ ବିଲ୍ କରାଯାଇ ଅର୍ଥକୁ ହରିଲୁଟ୍ କରାଯାଉଛି। ବ୍ଲକ୍ କର୍ମଚାରୀଙ୍କ ଆଗୋଚରରେ ଏପରି ହେଉଥିବାରୁ ଏହାର ତଦନ୍ତ କରାଯିବା ପାଇଁ ଦାବି କରାଯାଉଛି।
