The Samikhsya Odia
ସମୀକ୍ଷା ବ୍ୟୁରୋ
ରାଉରକେଲା, 28/12 :ରାଉରକେଲା ଇସ୍ପାତ କାରଖାନା ପରିସରରେ ବିନା କାଗଜ ପତ୍ର , ବିନା ଏଣ୍ଟ୍ରି ପାସରେ ପଶିଥିବା ଦୁଇଟି ଟ୍ରେଲର୍ ଜବତ ହୋଇଛି । ଏହା ସହିତ କମ୍ପାନୀର 4 ଜଣ କର୍ମଚାରୀଙ୍କୁ କାରଣ ଦର୍ଶାଅ ନୋଟିସ୍ ଜାରି କରାଯାଇଛି । ଶୁକ୍ରବାର ଅପରାହ୍ନରେ ପ୍ଲେଟ ମିଲ୍ ନିକଟରୁ ଆର୍ଏସ୍ପି କ୍ରାଇମ ବ୍ରାଞ୍ଚ ଏବଂ ଭିଜିଲାନ୍ସ ଟିମ୍ ଏହି ଟ୍ରେଲର୍ ଜବତ କରିଥିଲା । ଟାଙ୍ଗରପାଲି ଥାନାରେ ମାମଲା ରୁଜୁ କରାଯିବା ପରେ ପୋଲିସ୍ ଏବଂ ସିଆଇଏସଏଫ୍ ପକ୍ଷରୁ ତଦନ୍ତ ଆରମ୍ଭ କରାଯାଇଛି ।
ସୋନାକ୍ଷୀ ସିହ୍ନାଙ୍କ ଅପ୍କମିଙ୍ଗ ଫିଲ୍ମ ‘ଖାନ୍ଦାନୀ ସଫାଖାନ୍’ର ଟ୍ରେଲ୍ର ଆଜି ରିଲିଜ ହୋଇଛି। ଏହି ଫିଲ୍ମର ସୋନାକ୍ଷୀଙ୍କ ବ୍ୟତୀତ ବରୁଣ ଶର୍ମା, ଅନୁ କପୁର୍, ବାଦଶାହା ପ୍ରମୁଖ ଅଭିନୟ କରିଛନ୍ତି। ଲୋକପ୍ରିୟ ରାପର୍ ବାଦଶାହା ଏହି ଫିଲ୍ମ ଜରିଆରେ ବଲିଉଡ୍ ଡେବ୍ୟୁ କରୁଛନ୍ତି। ଗୌତମ ମେହେରଙ୍କ ରଚିତ ଏହି କାହାଣୀର ନିର୍ଦ୍ଦେଶନା ଭାର ଗ୍ରହଣ କରିଛନ୍ତି ଶିଳ୍ପୀ ଦାସଗୁପ୍ତା। ଫିଲ୍ମଟି ଜୁଲାଇ ୨୬ ତାରିଖରେ ପରଦାକୁ ଆସିବ। ଏହି ଫିଲ୍ମରେ ସୋନାକ୍ଷୀଙ୍କୁ ସେକ୍ସ କ୍ଲିନିକ୍ ଚଲାଉଥିବାର ନଜର ଆସିବେ। ୨ମିନିଟ୍ ୪୨ ସେକେଣ୍ଡର ଏହି ଟ୍ରେଲର୍ରେ ଅନେକଗୁଡ଼ିଏ ଫନି ସିନ୍ ଦେଖିବାକୁ ମିଳିଛି। ତେବେ ଫିଲ୍ମଟି ଦର୍ଶକଙ୍କୁ ‘ଭିକି ଡୋନର୍’ର କିଛିଟା ସିନ୍ ମନେପକାଇଦେବ। କମେଡ଼ିଭିତ୍ତିକ ଏହି ଫିଲ୍ମଟିକୁ ଦର୍ଶକେ ଗ୍ରହଣ କରିବେ ବୋଲି ଆଶା କରାଯାଇଛି।
ଗୁରୁବାର ଅପରାହ୍ନରେ ରିଲିଜ୍ ହୋଇଛି ବହୁ ପ୍ରତୀକ୍ଷିତ ସାହୋର ଟ୍ରେଲର। ପ୍ରଭାସ ଏବଂ ଶ୍ରଦ୍ଧା କପୁର ଅଭିନୀତ ଏହି ଫିଲ୍ମକୁ ଦର୍ଶକ ଉତ୍କଣ୍ଠାର ସହିତ ଅପେକ୍ଷା କରିଥିବା ବେଳେ ୟୁଟ୍ୟୁବ୍ରେ ଏହାକୁ ବଢିଆ ରେସ୍ପନ୍ସ ମିଳିଛି। ରିଲିଜ୍ର ମାତ୍ର କିଛି ମିନିଟ୍ ମଧ୍ୟରେ ୟୁଟ୍ୟୁବ୍ରେ ଏହାକୁ ୪ ଲକ୍ଷ ଲୋକ ଦେଖିଥିଲେ। ଟିଜର୍ରୁ ଫିଲ୍ମର କାହାଣୀ ସମ୍ପର୍କରେ ଅନୁମାନ ଲଗାଇବା କଷ୍ଟକର ହୋଇଥିବା ବେଳେ ପ୍ରଭାସ ଶ୍ରଦ୍ଧାଙ୍କ ସାଥୀ ଭାବରେ ନଜର ଆସିଛନ୍ତି। ହଲିଉଡ୍ ଷ୍ଟଣ୍ଟ କୋରିଓଗ୍ରାଫର୍ କେନ୍ନି ବେଟ୍ସ ଏହି ହାଇ ଅକ୍ଟେନ୍ ଆକ୍ସନ୍ ସିନ୍ ଗୁଡିକୁ ଅତ୍ୟନ୍ତ ଜୀବନ୍ତ କରିଛନ୍ତି। ସାହୋର ଟିଜର୍ ଏକ ସଙ୍ଗରେ ହିନ୍ଦି, ତାମିଲ ଏବଂ ତେଲୁଗୁରେ ରିଲିଜ୍ ହୋଇଛି। ଏହି ଫିଲ୍ମଟି ଶ୍ରଦ୍ଧାଙ୍କ ନିମନ୍ତ୍ର ତେଲୁଗୁ ଡେବ୍ୟୁ ହୋଇଥିବା ବେଳେ ପ୍ରଭାସଙ୍କର ଏହା ବଲିଉଡ୍ ଡେବ୍ୟୁ ରହିଛି। ସୁଜିତ୍ ସିରକାରଙ୍କ ନିର୍ଦ୍ଦେଶିତ ଏହି ଫିଲ୍ମଟି ଆସନ୍ତା ଅଗଷ୍ଟ ୧୫ ତାରିଖରେ ରିଲିଜ୍ ହେବାକୁ ଯାଉଛି। ଏହି ଫିଲ୍ମରେ ମନ୍ଦିରା ବେଦୀ, ଜ୍ୟାକି ଶ୍ରଫ୍, ନୀଲ ନୀତିନ ମୁକେଶ ଏବଂ ତାମିଲ ଅଭିନେତା ଅରୁଣ ବିଜୟ ପ୍ରମୁଖ ଭୂମିକାରେ ନଜର ଆସିବାକୁ ଯାଉଛନ୍ତି।
ବଲିଉଡ୍ ଅଭିନେତା ହ୍ରିତିକ୍ ରୋଶନ୍ଙ୍କ ଅପକମିଙ୍ଗ ଫିଲ୍ମ ସୁପର ୩୦ର ଟ୍ରେଲର ରିଲିଜ୍ ହୋଇଛି। ଗଣିତଜ୍ଞ ଆନନ୍ଦ କୁମାରଙ୍କ ଚରିତ୍ରରେ ନଜର ଆସୁଥିବା ହ୍ରିତିକ୍ ରୋଶନଙ୍କ ଏହି ଟ୍ରେଲର ରିଲିଜ୍ ହେବାର ଏକ ଘଣ୍ଟା ମଧ୍ୟରେ ୫ ମିଲିୟନ୍ ବା ୫୦ ଲକ୍ଷ ଦର୍ଶକ ଦେଖିଛନ୍ତି। ଟ୍ରେଲରରେ ଆନନ୍ଦ କୁମାରଙ୍କ ଯାତ୍ରା ଏବଂ ସୁପର ୩୦ର ସଫଳତାର ଯାତ୍ରାର ଏକ ଝଲକ ଦେଖିବାକୁ ମିଳିଛି। ଟ୍ରେଲର ରିଲିଜ୍ ପରେ ବିଭିନ୍ନ ବଲିଉଡ୍ ଅଭିନେତା ଏହାର ଟ୍ରେଲରକୁ ସୋସିଆଲ ମିଡିଆରେ ସେୟାର କରିଛନ୍ତି। ଆଲିଆ ଭଟ୍ଟ ନିଜ ଇନଷ୍ଟାଗ୍ରାମ ଆକାଉଣ୍ଟରୁ ଫିଲ୍ମର ଟ୍ରେଲର ସେୟାର କରି ସୁପର ୩୦ର ଟ୍ରେଲର ସୁପର ହୋଇଛି। ଅନ୍ୟ ମାନଙ୍କ ମଧ୍ୟରେ ଗୌହର ଖାନ୍, ଶାନୁ ଶର୍ମା ଏବଂ ତୁଷାର ବାନାର୍ଜୀ ଏହି ଟ୍ରେଲରକୁ ପ୍ରଶଂସା କରିଛନ୍ତି।
ତାମିଲ ସୁପରଷ୍ଟାର ସୂର୍ଯ୍ୟାଙ୍କ ଅପ୍କମିଙ୍ଗ ଫିଲ୍ମ ନନ୍ଦ ଗୋପାଳ କୁମାରନ୍ (ଏନ୍ଜିକେ)ର ଟ୍ରେଲର ରିଲିଜ୍ ହୋଇଛି। ମଙ୍ଗଳବାର ରିଲିଜ୍ ହୋଇଥିବା ଏହି ଟ୍ରେଲରକୁ ରିଲିଜ୍ ପରଠାରୁ ୟୁଟ୍ୟୁବ୍ରେ ୫୦ ଲକ୍ଷ ଲୋକ ଦେଖି ସାରିଲେଣି। ସେଲ୍ଭା ରାଘବନଙ୍କ ନିର୍ଦ୍ଦେଶିତ ଏହି ଫିଲ୍ମରେ ସୂର୍ଯ୍ୟାଙ୍କ ବ୍ୟତିତ ସାଇ ପଲ୍ଲବୀ ଏବଂ ରକୁଲ୍ ପ୍ରୀତ ମଧ୍ୟ ନଜର ଆସିବେ। ମେ ୩୧, ୨୦୧୯ରେ ଏହି ଫିଲ୍ମଟି ରିଲିଜ୍ ହେବ। ରାଜନୈତିକ ଡ୍ରାମା ଉପରେ ଆଧାରିତ ଏହି ଫିଲ୍ମରେ ସୂର୍ଯ୍ୟା ଜଣେ ଯୁବ ରାଜନେତାର ଚରିତ୍ରରେ ନଜର ଆସିବେ। ଟ୍ରେଲରର ଏକ ଦୃଶ୍ୟରେ ତାଙ୍କ ମା ତାଙ୍କୁ କହୁଥିବା ଦୃଶ୍ୟ ‘ରାଜନୀତି ଏକ ସ୍ମଶାନ, କେହିବି ଏଥିରୁ ଜୀବନ୍ତ ଫେରିନଥାନ୍ତି’ ଅତ୍ୟନ୍ତ ଚମତ୍କାର ରହିଛି। ସାଇ ପଲ୍ଲବୀ ସୂର୍ଯ୍ୟାଙ୍କ ପତ୍ନୀ ଭୂମିକାରେ ରହିଥିବା ବେଳେ ରକୁଲଙ୍କ ଜଣେ ସିାମ୍ବାଦିକା ଭୂମିକାରେ ନଜର ଆସିଛନ୍ତି। ଦୀର୍ଘ ୬ ବର୍ଷର ବ୍ୟବଧାନ ପରେ ସେଲ୍ଭା ରାଘବନଙ୍କ ଫିଲ୍ମ ରିଲିଜ୍ ହେବାକୁ ଯାଉଛି। ଡ୍ରିମ୍ ଓ୍ବାରିୟର୍ ପ୍ରଯୋଜନା ସଂସ୍ଥା ଅଧୀନରେ ନିର୍ମିତ ଏହି ଫିଲ୍ମରେ ୟୁଭାନ ଶଙ୍କର ରାଜା ମ୍ୟୁଜିକ୍ ଦେଇଥିବା ବେଳେ ଶିବା କୁମାର ବିଜୟନ୍ ସିନେମାଟୋଗ୍ରାଫି ଏବଂ ପ୍ରବୀଣ କେଏଲ୍ ଏଡିଟିଙ୍ଗ ଦାୟିତ୍ବରେ ଅଛନ୍ତି।
ବଲିଉଡ୍ ସୁଲତାନ ସଲମାନ୍ ଖାନ୍ଙ୍କ ବହୁ ପ୍ରତୀକ୍ଷିତ ଫିଲ୍ମ ‘ଭାରତ’ର ଟ୍ରେଲର ଆଜି ରିଲିଜ୍ ହୋଇଛି। ୩.୧୧ସେକେଣ୍ଡର ଏହି ଟ୍ରେଲର୍ଟି ଦେଶର ପ୍ରଥମ ପ୍ରଧାନମନ୍ତ୍ରୀ ଜବାହାରଲାଲ ନେହେରୁଙ୍କ ଡାଏଲଗରୁ ଆରମ୍ଭ ହୋଇଛି।। ଏହି ଟ୍ରେଲରରେ ବ୍ୟାକ୍ଗ୍ରାଉଣ୍ଡରେ ଭାଇଜାନ୍ଙ୍କ ଭଏସ୍ରେ ଫିଲ୍ମର ଷ୍ଟୋରୀ ବିଷୟରେ ସଂକ୍ଷିପ୍ତ ବିବରଣୀ ଦିଆଯାଇଛି। ଏହି ଟ୍ରେଲ୍ରରେ ସଲମାନ୍ଙ୍କୁ ପ୍ରଥମେ ମିଡିଲ୍ କ୍ଲାସ୍ର ଜଣେ ମଧ୍ୟବୟସ୍କ ଭାବେ ଦେଖିବାକୁ ମିଳୁଥିବାବେଳେ ପରବର୍ତ୍ତୀ ସମୟରେ ତାଙ୍କ ଜୀବନୀକୁ ଦେଖାଯାଇଛି। ଏହି ଫିଲ୍ମରେ ସଲମାନ୍ ଓ କ୍ୟାଟ୍ରିନାଙ୍କ ସଂଳାପ ଦେଖାଯାଇଛି। ପ୍ରଥମରୁ ସଲମାନ୍ଙ୍କୁ ଷ୍ଟଣ୍ଟମ୍ୟାନ୍ ରୂପେ ଉଭା ହୋଇଥିବାବେଳେ ତାଙ୍କୁ ନୌସେନା ଅଧିକାରୀ ରୂପେ ଦେଖିବାକୁ ମିଳିଛି। ଫିଲ୍ମରେ ଭାରତ ନାମକୁ ନେଇ ସଲମନ୍ଙ୍କ ଜବଦରସ୍ତ ସଂଳାପ ରହିଛି ଭାରତ ନାମକୁ ନେଇ। ଭାରତ ଦେଶକୁ ଭଲ ପାଉଥିବାରୁ ତାଙ୍କ ପିତା ତାଙ୍କ ନାମ ଭାରତ ରଖିଥିଲେ। ଏତେ ବଡ଼ ନାମ ଆଗରେ ପଛରେ ସରନେମ୍ ଲଗାଇ ତାକୁ ଛୋଟ କରିବାକୁ ଚାହିଁନଥିବାର କହିଛନ୍ତି ସଲ୍ଲୁ। ଫିଲ୍ମର ସଲ୍ଲୁଙ୍କ ଭିନ୍ନ ଭିନ୍ନ ରୂପ ଦେଖିବାକୁ ମିଳିଛି। ତେବେ ଫିଲ୍ମର ଟ୍ରେଲର୍ରେ ଜ୍ୟାକିଶ୍ରଫ୍, କ୍ୟାଟ୍ରିନା କୈଫ୍, ଦିଶା ପଟ୍ଟାନୀ, ସୁନୀଲ୍ ଗ୍ରୋଭର୍ ପ୍ରମୁଖ ଦେଖିବାକୁ ମିଳିଛନ୍ତି। ଅଲ୍ଲୀ ଆବାସ୍ ଜାଫର୍ଙ୍କ ନିର୍ଦ୍ଦେଶିତ ଏହି ଫିଲ୍ମକୁ ନିର୍ମାଣ କରିଛନ୍ତି ସଲମାନ୍ ଫିଲ୍ମସ୍ ଓ ଅତୁଲ୍ ଅଗ୍ନିହୋତ୍ରୀ। ଫିଲ୍ମଟି ଇଦ୍ ଅବସରରେ ଜୁନ୍ ୫ ତାରିଖରେ ମୁକ୍ତିଲାଭ କରିବ। ପ୍ରତ୍ୟେକ ବର୍ଷ ଇଦ୍ ଅବସରରେ ଭାଇଜାନ୍ ତାଙ୍କ ଫ୍ୟାନ୍ମାନଙ୍କୁ ଫିଲ୍ମ ଜରିଆରେ ସ୍ବତନ୍ତ୍ର ଭେଟି ଦେଇଥା’ନ୍ତି। ତେବେ ୨୦୧୮ର ଇଦ୍ ଅବସରରେ ମୁକ୍ତିଲାଭ କରିଥିବା ‘ରେସ୍୩‘ ଦର୍ଶକଙ୍କ ଦ୍ବାରା ଏତେ ଆଦୃତ ହୋଇପାରିନଥିବାବେଳେ ଏହି ଫିଲ୍ମକୁ ନେଇ ଦର୍ଶକେ ବେଶ୍ ଆଶାବାଦୀ ରହିଛନ୍ତି। ତେବେ ଲଗାତାର୍ ହିଟ୍ ଦେଇଥିବା ଆକ୍ଟର – ଡିରେକ୍ଟର ଯୋଡ଼ି ସଲମାନ୍ – ଅଲ୍ଲୀ ଆବାସ୍ ଏହି ଫିଲ୍ମକୁ ନେଇ ବେଶ୍ ଉତ୍ସାହିତ ରହିଛନ୍ତି।
ବିଦ୍ୟୁତ୍ ଜାମଓ୍ବାଲଙ୍କ ଅଭିନୀତ ଚଳଚ୍ଚିତ୍ର ‘ଜଙ୍ଗ୍ଲୀର’ ଟ୍ରେଲର୍’ ଆଜି ରିଲିଜ୍ ହୋଇଛି । ପୂର୍ବରୁ ଚଳଚ୍ଚିତ୍ରର ପୋଷ୍ଟର ରିଲିଜ୍ ହୋଇଥିଲା । ହଲିଉଡ୍ର ପ୍ରସିଦ୍ଧ ନିର୍ଦ୍ଦେଶକ ଚକ୍ ରସେଲ୍ ଏହାର ନିର୍ଦ୍ଦେଶନା ଭାର ବହନ କରୁଥିବାବେଳେ ଭିନୀତ୍ ଜୈନ୍ ଏହାର ପ୍ରଯୋଜନା ଦାୟିତ୍ବ ସମ୍ଭାଳିଛନ୍ତି । ଏଥିରେ ବିଦ୍ୟୁତ୍ଙ୍କ ବ୍ୟତୀତ ପୂଜା ସାଓ୍ବନ୍ତ ଓ ଆଶା ଭଟ୍ଟ, ଅତୁଲ୍ କୁଲ୍କର୍ଣ୍ଣୀ ମଧ୍ୟ ଅଭିନୟ କରୁଛନ୍ତି । ଏହି ଫିଲ୍ମଟି ଏପ୍ରିଲ୍ ୫ରେ ମୁକ୍ତିଲାଭ କରିବ । ଫିଲ୍ମରେ ହାତୀ ଓ ମଣିଷର ବନ୍ଧୁତା ସହ ଜଙ୍ଗଲୀ ଜନ୍ତୁଙ୍କ ସହ ବନ୍ଧୁତ୍ବପୂର୍ଣ୍ଣ ସମ୍ପର୍କକୁ ମଧ୍ୟ ଦେଖାଯାଇଛି । ଏହି ଟ୍ରେଲର୍ରେ ବିଦ୍ୟୁତ୍ଙ୍କ ଏକ ଡାଇଲଗ୍ ‘ହମାରୀ ଦୋସ୍ତି ମେ କୋଇ ରୁଲ୍ ନହିଁ, ଔର ଏସି ଦୋସ୍ତି ଶିଖାନେ ବାଲେ କୋଇ ସ୍କୁଲ୍ ନହିଁ’ ବହୁତ ପ୍ରଭାବଶାଳୀ ରହିଛି । ଫିଲ୍ମର ଟ୍ରେଲର୍ରେ ପ୍ରାକୃତିକ ଦୃଶ୍ୟରାଜିର ଅନନ୍ୟ ସୌନ୍ଦର୍ଯ୍ୟ ଦେଖିବାକୁ ମିଳିଛି । ଫିଲ୍ମରେ ଟ୍ରେଲର୍ରେ ଆକ୍ସନ ସହ ଇମୋସନାଲ୍ ମଧ୍ୟ ଦେଖିବାକୁ ମିଳିଛି ।