ତେଲୁଗୁ ବ୍ଲକ୍ବଷ୍ଟର ଅର୍ଜୁନ୍ ରେଡ୍ଡୀର ତାମିଲ ରିମେକ୍ ଆଦିତ୍ୟ ବର୍ମାର ଟିଜର ରିଲିଜ୍ ହୋଇଛି । ପୂର୍ବରୁ ଫିଲ୍ମର ନିର୍ଦ୍ଦେଶକ ବାଲା ଫିଲ୍ମରୁ ଓହରି ଯାଇଥିବା ବେଳେ ବର୍ତ୍ତମାନ ନୂତନ ନିର୍ଦ୍ଦେଶକଙ୍କ ସହିତ ଆଉଥରେ ସୁଟିଂ ହୋଇ ଏହାର ଟିଜର୍ ରିଲିଜ୍ ହୋଇଛି । ବର୍ତ୍ତମାନ ରିଲିଜ୍ ହୋଇଥିବା ଟିଜର୍ ସମ୍ପୁର୍ଣ୍ଣ ଭାବରେ ମୂଳ ଫିଲ୍ମ ସହିତ ସମାନ ରହିଛି । ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ଗିରିସାୟା । ଗିରିସାୟା ଅର୍ଜୁନ ରେଡ୍ଡୀର ସହକାରୀ ନିର୍ଦ୍ଦେଶକ ଭାବରେ କାର୍ଯ୍ୟ କରିଛନ୍ତି । ଫିଲ୍ମରେ କେବଳ ଧ୍ରୁବ୍ ବିକ୍ରମ ଏବଂ ମ୍ୟୁଜିକ୍ ଡିରେକ୍ଟର ରାଧାନ୍ଙ୍କୁ ରଖିଥିବା ବେଳେ ସମ୍ପୂର୍ଣ୍ଣ ନୂତନ ଷ୍ଟାରକାଷ୍ଟ ସହିତ ଏହି ଫିଲ୍ମର ସୁଟିଂ କରାଯାଇଛି । ଧ୍ରୁବଙ୍କ ବ୍ୟତୀତ ବନିତା ସାନ୍ଧୁ ଏହି ଫିଲ୍ମ ଜରିଆରେ ତାମିଲ ଡେବ୍ୟୁ କରିଛନ୍ତି । ମୂଳ ଫିଲ୍ମରେ ଜିଆ ଶର୍ମା ଚରିତ୍ରରେ ନଜର ଆସିବାକୁ ଯାଉଛନ୍ତି ପ୍ରିୟା ଆନନ୍ଦ ।
