ନୂଆଦିଲ୍ଲୀ: ଆଥଲେଟିକ୍ସ ଫେଡେରେସନ୍ କପ୍ ୨୦୨୪ରେ ଜାଭେଲିନ୍ ଥ୍ରୋ ଇଭେଣ୍ଟରେ ସ୍ୱର୍ଣ୍ଣ ପଦକ ଜିତି ନୀରଜ ଚୋପ୍ରା ଭାରତର ପତାକା ଉତ୍ତୋଳନ କରିଛନ୍ତି। ୩ ବର୍ଷ ମଧ୍ୟରେ ଏହା ପ୍ରଥମ ଥର ଥିଲା ଯେ, ନୀରଜ ଏକ ଘରୋଇ ଇଭେଣ୍ଟରେ ଭାଗ ନେଇଥିଲେ। ଭୁବନେଶ୍ୱରରେ ଆୟୋଜିତ ଏହି ଇଭେଣ୍ଟରେ ନୀରଜ ଚୋପ୍ରାଙ୍କ ଶ୍ରେଷ୍ଠ ଥ୍ରୋ ୮୨.୨୭ ମିଟର ଥିଲା। ଏହାର କିଛି ଦିନ ପୂର୍ବରୁ ସେ ଦୋହା ଡାଇମଣ୍ଡ ଲିଗରେ ରୌପ୍ୟ ପଦକ ଜିତିଥିଲେ। ସେଠାରେ ସେ ୮୮.୩୬ ମିଟରରେ ଜାଭେଲିନ୍ ଫିଙ୍ଗି ଅଲିମ୍ପିକ୍ସ ପାଇଁ ତାଙ୍କର ପ୍ରସ୍ତୁତିରେ ଉନ୍ନତି କରିଥିଲେ। ଫେଡେରେସନ୍ କପ୍ ବିଷୟରେ କହିବାକୁ ଗଲେ ନୀରଜ ଡିପି ମନୁଙ୍କୁ ପରାସ୍ତ କରି ସ୍ୱର୍ଣ୍ଣ ପଦକ ଜିତିଛନ୍ତି, ଯାହାର ସର୍ବୋତ୍ତମ ଥ୍ରୋ ୮୨.୦୬ ମିଟର ଥିଲା।
ପ୍ରକାଶ ଯୋଗ୍ୟ ଯେ, ତୃତୀୟ ରାଉଣ୍ଡ ପର୍ଯ୍ୟନ୍ତ ନୀରଜ ଚୋପ୍ରା ଦ୍ୱିତୀୟ ସ୍ଥାନରେ ରହିଥିଲେ ଏବଂ ତାଙ୍କ ପ୍ରଦର୍ଶନରେ ବହୁତ ଢିଲା ଥିଲା। ତୃତୀୟ ରାଉଣ୍ଡ ପରେ ନୀରଜଙ୍କ ସର୍ବୋତ୍ତମ ଥ୍ରୋ ୮୨ ମିଟର ଥିଲା, କିନ୍ତୁ ଡିପି ମନୁଙ୍କ ସର୍ବୋତ୍ତମ ଥ୍ରୋ ୮୨.୦୬ ମିଟର ଥିଲା। କିନ୍ତୁ ତାଙ୍କର ଚତୁର୍ଥ ଥ୍ରୋରେ ନୀରଜ ଚୋପ୍ରା ୮୨.୨୭ ମିଟର ଦୂରତା ଅତିକ୍ରମ କରିଥିଲେ, ଯାହା ମନୁ ଶେଷ ପର୍ଯ୍ୟନ୍ତ ପାର କରିପାରିନଥିଲେ। ଡି.ପି ମନୁ ରୌପ୍ୟ ପଦକ ଜିତିଥିଲେ ଏବଂ ଉତ୍ତମ ପାଟିଲ ତୃତୀୟ ସ୍ଥାନରେ ରହିଥିଲେ, ଯିଏ ୭୮.୩୯ ମିଟର ଫିଙ୍ଗି ବ୍ରୋଞ୍ଜ ପଦକ ଜିତିଥିଲେ। ଭାରତର ଅନ୍ୟତମ ପ୍ରସିଦ୍ଧ ଜାଭେଲିନ୍ ଥ୍ରୋ ଆଥଲେଟ୍ କିଶୋର ଜେନାଙ୍କ ଠାରୁ ଏକ ଖରାପ ପ୍ରଦର୍ଶନ ଦେଖିବାକୁ ମିଳିଥିଲା, ଯାହାଙ୍କର ସର୍ବୋତ୍ତମ ଥ୍ରୋ ମାତ୍ର ୭୫.୪୯ ମିଟର ଥିଲା।