ସମୀକ୍ଷା ବ୍ୟୁରୋ
ଗଞ୍ଜାମ/ହିଞ୍ଜିଳିକାଟୁ: ଜାତୀୟ ଯୁବ ଦିବସ ତଥା ବିବେକାନନ୍ଦ ଜୟନ୍ତୀ ଅବସରରେ ତ୍ରିରଙ୍ଗା ସେବା ସଙ୍ଘ ପକ୍ଷରୁ ଏକ ମାଗଣା ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ ହୋଇଯାଇଛି। ସ୍ଥାନୀୟ ବିଜୁ ପଟ୍ଟନାୟକ କଲ୍ୟାଣ ମଣ୍ଡପ ଠାରେ ଆୟୋଜିତ ଏହି ଶିବରରେ ନଗରପାଳିକା କାର୍ଯ୍ୟନିର୍ବାହୀ ଅଧିକାରୀ ଡ. ମନୋରଞ୍ଜନ ସାହୁ ଏବଂ ତ୍ରିରଙ୍ଗା ସେବା ସଙ୍ଘ ଉପ ସଭାପତି ପ୍ରଭାତ କୁମାର ମହାରଣା ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ। ଉଭୟ ପ୍ରଦୀପ ପ୍ରଜ୍ବଳନ କରି କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ। ଏଲ୍ଭି ପ୍ରସାଦ ଚକ୍ଷୁ ଚିକିତ୍ସାଳୟର ଡ. ରଶ୍ମୀ ରଞ୍ଜନ ଯୋଗଦାନ କରି ଏହି ଶିବିର ପରିଚାଳନା କରିଥିଲେ। ହସ୍ପିଟାଲର କାର୍ଯ୍ୟବାହ ଅଧିକାରୀ ଆଲୋକ କୁମାର ସ୍ବାଇଁ ତାଙ୍କୁ ସହଯୋଗ ପ୍ରଦାନ କରିଥିଲେ। ଏହି ଶିବିରରେ ୧୧୮ ଜଣ ରୋଗୀ ମାଗଣା ଚକ୍ଷୁ ଚିକିତ୍ସା ଶିବିରର ଫାଇଦା ଉଠାଇଥିଲେ। ଏହା ବ୍ୟତିତ ୪୦ ଜଣ ରୋଗୀଙ୍କୁ ମୋତିଆ ବିନ୍ଦୁ ଅପରେସନ ପାଇଁ ଚିହ୍ନଟ କରାଯାଇଥିଲା। ସେମାନଙ୍କୁ ମାଗଣା ଅସ୍ତ୍ରୋପଚାର ପାଇଁ ଆମ୍ବପୁଆ ହସ୍ପିଟାଲକୁ ପଠାଯାଇଥିଲା। କାର୍ଯ୍ୟକ୍ରମରେ ତ୍ରିରଙ୍ଗା ସେବା ସଂଘର କିରଣ ପୃଷ୍ଟି, ସୁମନ ସାହୁ, ଶିବ ବାଡତ୍ୟା, ନୀଳମାଧବ ପାତ୍ର, ଅମର ନାଥ, ନିରଞ୍ଜନ ସାହୁ, ଆଶିଷ ପ୍ରଧାନ, ଅଭିଷେକ ପ୍ରଧାନ, ରାକେଶ ଭୂୟାଁ, ଅନୀଲ ପୃଷ୍ଟି, ପ୍ରୀତମ ସାହୁ, ସତୀଶ ସାହୁ, ସରୋଜ ପାତ୍ର, କାହ୍ନୁ ଗୌଡ ଏବଂ ବଳରାମ ପାତ୍ର ପ୍ରମୁଖ ମସହଯୋଗ କରିଥିଲେ।
