ଭୁବନେଶ୍ବର: ଆଜି ପ୍ରଖ୍ୟାତ ଅଭିନେତା ଉତ୍ତମ ମହାନ୍ତିଙ୍କ ପ୍ରାର୍ଥୀବ ଶରୀର ଭୁବନେଶ୍ବରରେ ପହଞ୍ଚିବା ପରେ ପ୍ରଶଂସକଙ୍କ ପ୍ରବଳ ଭିଡ ପରିଲକ୍ଷିତ ହୋଇଛି। ବିମାନ ବନ୍ଦରରେ ତାଙ୍କୁ ଶେଷ ଦର୍ଶନ କରିବା ପାଇଁ ବହୁ ଲୋକଙ୍କର ଭିଡ ଜମିଥିଲା। ତାଙ୍କ ପୁତ୍ର ତଥା ଅଭିନେତା ବାବୁସାନ ବାପାଙ୍କ ପ୍ରାର୍ଥୀବ ଶରୀର ବିମାନ ବନ୍ଦରରୁ ଆଣିବା ପରେ ବହୁ ଲୋକ କାନ୍ଦୁଥିବାର ପରିଲକ୍ଷିତ ହୋଇଛି।
ବିମାନ ବନ୍ଦର ନିକଟରେ କିଛି ସମୟ ରଖିବା ପରେ ତାଙ୍କର ପ୍ରାର୍ଥୀବ ଶରୀର ବରମୁଣ୍ଡାସ୍ଥିତ ଜଗନ୍ନାଥ ବିହାରକୁ ଅଣାଯାଇଥିଲା। ତା ପୂର୍ବରୁ ସେଠାରେ ମଧ୍ୟ ତାଙ୍କ ପ୍ରଶଂସକଙ୍କର ଭିଡ ପରିଲକ୍ଷିତ ହୋଇଥିଲା। ଜଗନ୍ନାଥ ବିହାର ବାସଭବନରେ ଓଡିଆ ଚଳଚିତ୍ର ଜଗତର ବହୁ ଅଭିନେତା ତଥା ଅଭିନେତ୍ରୀ ତାଙ୍କର ଶେଷ ଦର୍ଶନ କରିଛନ୍ତି। ଆଜି ସଂଧ୍ୟାରେ ସତ୍ୟନଗର ମଶାଣୀରେ ତାଙ୍କର ଶେଷକୃତ୍ୟ ସଂପର୍ଣ୍ଣ ହେବ।