ନୂଆଦିଲ୍ଲୀ: ୧୫ ରୁ ୧୮ ବର୍ଷ ବୟସର କିଶୋରମାନଙ୍କ ପାଇଁ ଟୀକାକରଣ ଆଜିଠାରୁ ଆରମ୍ଭ ହେଉଛି। ଏହି ଗୋଷ୍ଠୀ ପାଇଁ କେବଳ କୋଭାକ୍ସିନ ଟୀକା ଦିଆଯିବ। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ ୨୦୦୭ ମସିହାରେ କିମ୍ବା ତା’ପୂର୍ବରୁ ଜନ୍ମ ହୋଇଥିବା ସମସ୍ତ କିଶୋର ଏହି ଟିକା ପାଇବାକୁ ଯୋଗ୍ୟ ହେବେ। ଏହି ବର୍ଗ ପାଇଁ କୋଭିଡ ଟିକା ପଞ୍ଜିକରଣ ଜାନୁଆରୀ ୧ ରୁ କୋୱନି ପୋର୍ଟାଲରେ ଉପଲବ୍ଧ କରାଯାଇଛି।
ଟିକା ପାଇଁ ବୁକିଂ ଅନଲାଇନରେ କିମ୍ବା କୋଭିଡ ଟିକା କେନ୍ଦ୍ର ପରିଦର୍ଶନ କରି ଟିକା ମଧ୍ୟ ନେବା ପାଇଁ ବ୍ୟବସ୍ଥା କରାଯାଇଛି। ଏହି ଟିକା ସମସ୍ତ ଆୟ ବର୍ଗଙ୍କୁ ମାଗଣାରେ ଉପଲବ୍ଧ କରାଯାଇଛି। ଦେଶବ୍ୟାପୀ ଟୀକାକରଣ ଅଭିଯାନ ଅଧୀନରେ କେନ୍ଦ୍ର ସରକାର ସମସ୍ତ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳକୁ ମାଗଣା ଟିକା ପ୍ରଦାନ କରୁଛନ୍ତି।
ଏହାପୂର୍ବରୁ ଡିସେମ୍ବର ୨୫ ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶକୁ ସମ୍ବୋଧିତ କରିବାବେଳେ କହିଥିଲେ ଯେ ୧୫ ରୁ ୧୮ ବର୍ଷ ବୟସର କିଶୋରମାନଙ୍କ ପାଇଁ ଉଙଠଓଊ ଟୀକାକରଣ ଜାନୁୟାରୀ ୩ ରୁ ଆରମ୍ଭ ହେବ। ଦେଶର ଯୋଗ୍ୟ ଜନସଂଖ୍ୟାର ୯୦ ପ୍ରତିଶତ ଲୋକଙ୍କୁ ପ୍ରଥମ ଟିକା ଏବଂ ୬୫ ପ୍ରତିଶତ ଜନସଂଖ୍ୟାକୁ ଦ୍ୱିତୀୟ ଟିକା ଦିଆଯାଇଛି।
ମହାରାଷ୍ଟ୍ରର କୋଭିଡ ସଂକ୍ରମଣରେ ବୃଦ୍ଧି ପାଇବା ପରେ ରାଜ୍ୟ ସରକାର ଆଜିଠାରୁ ଦ୍ରୁତଗତିରେ କିଶୋରମାନଙ୍କୁ ଟୀକାକରଣ ଆରମ୍ଭ କରିଛନ୍ତି। ୧୫ ରୁ ୧୮ ବର୍ଷ ବୟସର କିଶୋରମାନଙ୍କୁ ଟୀକାକରଣ ପାଇଁ ରାଜ୍ୟର ବିଭିନ୍ନ ଜିଲ୍ଲାରେ ସମସ୍ତ ବ୍ୟବସ୍ଥା କରାଯାଇଛି।
ବିହାର ସ୍ୱାସ୍ଥ୍ୟମନ୍ତ୍ରୀ ମଙ୍ଗଲ ପାଣ୍ଡେ କହିଛନ୍ତି ଯେ ରାଜ୍ୟ ସରକାର ଏହି ମାସ ଶେଷ ସୁଦ୍ଧା ୧୫ ରୁ ୧୮ ବର୍ଷ ବୟସର କିଶୋରମାନଙ୍କ ଟୀକାକରଣ ସଂପୂର୍ଣ୍ଣ କରିବାକୁ ଯୋଜନା କରିଛନ୍ତି। ଆସନ୍ତାକାଲି ଠାରୁ ୮୩ ଲକ୍ଷ କିଶୋର କୋଭିଡ ଟିକା ପ୍ରଦାନ କରାଯିବ।
