Categories
ଅପରାଧ ଆଜିର ଖବର ଜାତୀୟ ଖବର

ବୀର ସାବରକରଙ୍କ ଉପରେ ବିବାଦୀୟ ବିବୃତ୍ତି ମାମଲା: କୋର୍ଟରେ ହାଜର ନହେବାରୁ ରାହୁଲ ଗାନ୍ଧୀଙ୍କୁ ଜରିମାନା

ନୂଆଦିଲ୍ଲୀ: ବୀର ସାବରକରଙ୍କ ଉପରେ ରାହୁଲ ଗାନ୍ଧୀ ଦେଇଥିବା ବିବୃତ୍ତି ମାମଲାରେ ଆଜି ଲକ୍ଷ୍ନୌର ଏକ କୋର୍ଟରେ ଶୁଣାଣି ଥିଲା। କିନ୍ତୁ ଏହି ଶୁଣାଣି ପାଇଁ ଲୋକସଭାର ବିରୋଧୀଦଳର ନେତା ରାହୁଲ ଗାନ୍ଧୀ ହାଜର ହୋଇପାରିନଥିଲେ। ଯେଉଁଥିପାଇଁ ଅତିରିକ୍ତ ମୁଖ୍ୟ ବିଚାର ବିଭାଗୀୟ ବିଚାରପତି ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ରାହୁଲଙ୍କ ଉପରେ ୨୦୦ ଟଙ୍କା ଜରିମାନା କରିବା ସହିତ ବିଚାରପତି ମଧ୍ୟ ଚେତାବନୀ ଦେଇଛନ୍ତି। ରାହୁଲ ଗାନ୍ଧୀ କୌଣସି ପରିସ୍ଥିତିରେ ଏପ୍ରିଲ ୧୪ ତାରିଖରେ କୋର୍ଟରେ ହାଜର ହେବାକୁ ପଡ଼ିବ ବୋଲି ବିଚାରପତି କହିଛନ୍ତି।

ଯଦି କଂଗ୍ରେସ ସାଂସଦ ରାହୁଲ ଗାନ୍ଧୀ ଏପ୍ରିଲ ୧୪ ତାରିଖରେ କୋର୍ଟରେ ହାଜର ନ ହୁଅନ୍ତି, ତା’ହେଲେ ତାଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରେ। ରାହୁଲ ଗାନ୍ଧୀ ଅକୋଲା ଠାରେ ଏକ ସାମ୍ବାଦିକ ସମ୍ମିଳନୀରେ ବୀର ସାବରକରଙ୍କ ଉପରେ ଏକ ବିବାଦୀୟ ବିବୃତ୍ତି ଦେଇଥିଲେ। ସେ ବୀର ସାବରକରଙ୍କୁ ବ୍ରିଟିଶର ସେବକ ଏବଂ ପେନସନଭୋଗୀ ବୋଲି କହିଥିଲେ। ରାହୁଲ ଗାନ୍ଧୀଙ୍କ ଏହି ବିବୃତ୍ତି ବିରୋଧରେ ନୃପେନ୍ଦ୍ର ପାଣ୍ଡେ ଆହ୍ଲାବାଦ ହାଇକୋର୍ଟର ଲକ୍ଷ୍ନୌ ବେଞ୍ଚରେ ପହଞ୍ଚିଥିଲେ। ଯାହା ଉପରେ ଆଜି ଶୁଣାଣି ହେବାର ଥିଲା।

Categories
ଜାତୀୟ ଖବର ବିଶେଷ ଖବର

ସାବରକରଙ୍କୁ ଟାର୍ଗେଟ କଲେ ରାହୁଲ ଗାନ୍ଧୀ, ଇନ୍ଦିରା ଗାନ୍ଧୀଙ୍କ ଦ୍ୱାରା ଲିଖିତ ଚିଠି ଦେଖାଇଲା ବିଜେପି

ନୂଆଦିଲ୍ଲୀ: ଶିବସେନା (ସିନ୍ଦେ) ସାଂସଦ ଶ୍ରୀକାନ୍ତ ସିନ୍ଦେ ଆଜି ରାହୁଲ ଗାନ୍ଧୀଙ୍କୁ ଟାର୍ଗେଟ କରି ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଚିଠିକୁ ଦର୍ଶାଇଛନ୍ତି। ଏହି ଚିଠିରେ ଇନ୍ଦିରା ଗାନ୍ଧୀ ହିନ୍ଦୁତ୍ୱ ଚିନ୍ତକ ବିନାୟକ ଦାମୋଦର ସାବରକରଙ୍କୁ ପ୍ରଶଂସା କରିଥିବା ଅଭିଯୋଗ ହୋଇଛି।

ଶିବସେନା ସାଂସଦ ୧୯୮୦ ମସିହାରୁ ଏକ ଚିଠିରେ ଉଲ୍ଲେଖ କରିଛନ୍ତି ଯେଉଁଥିରେ ସେ କହିଛନ୍ତି ଯେ, ଇନ୍ଦିରା ଗାନ୍ଧୀ ସାବରକରଙ୍କୁ “ଭାରତର ବିଲକ୍ଷଣ ପୁତ୍ର” ବୋଲି କହିଛନ୍ତି। ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ପୁତ୍ର ଶ୍ରୀକାନ୍ତ ସିନ୍ଦେ କହିଛନ୍ତି ଯେ, “ଆପଣଙ୍କ ଜେଜେମା ମଧ୍ୟ ସମ୍ବିଧାନର ବିରୋଧ କରିଥିଲେ କି? ଆପଣଙ୍କୁ ତାଙ୍କ ବିରୁଦ୍ଧରେ କହିବାର ଅଭ୍ୟାସ ଅଛି। ଆମେ ସାବରକରଙ୍କୁ ପ୍ରଶଂସା କରି ଗର୍ବିତ ଏବଂ ଏହା ଜାରି ରଖିବୁ।”

ଶ୍ରୀକାନ୍ତ ସିନ୍ଦେଙ୍କ ମନ୍ତବ୍ୟର ଉତ୍ତରରେ ରାହୁଲ କହିଛନ୍ତି ଯେ, “ମୁଁ ଥରେ ଇନ୍ଦିରା ଗାନ୍ଧୀ ଜିଙ୍କ ସହ କଥା ହୋଇଥିଲି। ସେ ମୋତେ କହିଥିଲେ ଯେ, ସାବରକର ଜି ବ୍ରିଟିଶମାନଙ୍କ ସହ ଆପୋଷ ବୁଝାମଣା କରିଥିଲେ, ଗୋଟିଏ ଚିଠି ଲେଖିଥିଲେ ଏବଂ ବ୍ରିଟିଶମାନଙ୍କୁ କ୍ଷମା ମାଗିଥିଲେ। ସେ କହିଛନ୍ତି ଯେ, ଗାନ୍ଧିଜୀ ଜେଲ ଯାଇଥିଲେ ଏବଂ ନେହେରୁଜୀ ଜେଲକୁ ଯାଇଥିଲେ। କିନ୍ତୁ ସାବରକର କ୍ଷମା ମାଗିଥିଲେ, ଏହା ତାଙ୍କର ବିଚାର ଥିଲା।

Image

ସୋସିଆଲ ମିଡିଆରେ କିରେନ ରିଜିଜୁ ଚିଠି ପୋଷ୍ଟ କରିଛନ୍ତି:

ଏହି ସମୟରେ ସଂସଦୀୟ ବ୍ୟାପାର ମନ୍ତ୍ରୀ କିରେନ ରିଜିଜୁ ଟ୍ୱିଟରକୁ ଯାଇ ପୂର୍ବତନ ପ୍ରଧାନମନ୍ତ୍ରୀଙ୍କ ଦ୍ୱାରା ଲିଖିତ ଚିଠିକୁ ପୋଷ୍ଟ କରିଛନ୍ତି। କିରେନ ରିଜିଜୁ କହିଛନ୍ତି ଯେ, ଏହି ଡକ୍ୟୁମେଣ୍ଟ ରାହୁଲ ଗାନ୍ଧୀଙ୍କ ପାଇଁ ଅଟେ। କାରଣ ସେ ଲୋକସଭାରେ ବୀର ସାବରକରଙ୍କ ବିଷୟରେ ଭୁଲ ବିବୃତ୍ତି ଦେଇଥିଲେ।