ନୂଆଦିଲ୍ଲୀ: ଦେଶର ଅନେକ ରାଜ୍ୟରେ ମୌସୁମୀ ସକ୍ରିୟ ରହିଛି ଏବଂ ପ୍ରବଳ ବର୍ଷା ହେଉଛି। କିନ୍ତୁ କାଶ୍ମୀରରେ ଅତ୍ୟଧିକ ଗ୍ରୀଷ୍ମ ପ୍ରବାହ ଜାରି ରହଛି। ୨୫ ବର୍ଷ ମଧ୍ୟରେ ଜୁଲାଇର ସର୍ବୋଚ୍ଚ ତାପମାତ୍ରା ଉପତ୍ୟକାର ଅନେକ ଅଞ୍ଚଳରେ ରେକର୍ଡ କରାଯାଇଛି। ପାଣିପାଗ ବିଭାଗ ଅନୁଯାୟୀ, ଶ୍ରୀନଗର ସହରର ତାପମାତ୍ରା ରବିବାର ଦିନ ୩୬.୨ ଡିଗ୍ରୀ ସେଲସିୟସରେ ରେକର୍ଡ କରାଯାଇଛି।
ଜୁଲାଇ ୯ ତାରିଖ ୧୯୯୯ ପରଠାରୁ ଗତକାଲି ସବୁଠାରୁ ଉତ୍ତପ୍ତ ଦିନ ଥିଲା, ଯେତେବେଳେ ପାରଦ ୩୭ ଡିଗ୍ରୀ ସେଲସିୟସରେ ପହଞ୍ଚିଥିଲା। ଶ୍ରୀନଗରରେ ଜୁଲାଇର ସବୁଠାରୁ ଉତ୍ତପ୍ତ ଦିନ ୧୦ ଜୁଲାଇ ୧୯୪୬ ରେ ରେକର୍ଡ କରାଯାଇଥିଲା, ସେତେବେଳେ ଏଠାରେ ତାପମାତ୍ରା ୩୮.୩ ଡିଗ୍ରୀ ସେଲସିୟସରେ ପହଞ୍ଚିଥିଲା।
ତାପମାତ୍ରା କେଉଁଠାରେ କେତେ ଥିଲା?:
ଦକ୍ଷିଣ କାଶ୍ମୀରର କାଜିଗୁଣ୍ଡ ଏବଂ କୋକେରନାଗ ସହରଗୁଡ଼ିକ ମଧ୍ୟ ରବିବାର ଜୁଲାଇର ସବୁଠାରୁ ଉତ୍ତପ୍ତ ଦିନ ରେକର୍ଡ କରାଯାଇଛି। କାଜିଗୁଣ୍ଡ ସର୍ବାଧିକ ତାପମାତ୍ରା ୩୫.୬ ଡିଗ୍ରୀ ସେଲସିୟସ ରେକର୍ଡ କରିଛି, ଯାହା ଜୁଲାଇ ୧୧ ତାରିଖ ୧୯୮୮ ରେ ରେକର୍ଡ ହୋଇଥିବା ପୂର୍ବ ସର୍ବୋଚ୍ଚ ୩୪.୫ ଡିଗ୍ରୀ ସେଲସିୟସକୁ ଅତିକ୍ରମ କରିଛି। କୋକେରନାଗରେ ତାପମାତ୍ରା ୩୪.୧ ଡିଗ୍ରୀ ସେଲସିୟସକୁ ବୃଦ୍ଧି ପାଇଥିଲାବେଳେ ଚଳିତ ବର୍ଷ ଜୁଲାଇ ୩ ତାରିଖରେ ତାପମାତ୍ରା ୩୩.୩ ଡିଗ୍ରୀ ସେଲସିୟସ ରେକର୍ଡ କରାଯାଇଥିଲା।
ଆସନ୍ତା ୨୪ ଘଣ୍ଟା ମଧ୍ୟରେ କାଶ୍ମୀର ଉପତ୍ୟକାର ବିଭିନ୍ନ ସ୍ଥାନରେ ବର୍ଷା ହେବାର ପୂର୍ବାନୁମାନ କରିଛି ପାଣିପାଗ ବିଭାଗ।
ଅତ୍ୟଧିକ ଉତ୍ତାପ ଯୋଗୁଁ ସ୍କୁଲ ବନ୍ଦ:
ପ୍ରବଳ ଉତ୍ତାପକୁ ଦୃଷ୍ଟିରେ ରଖି କାଶ୍ମୀର ବିଦ୍ୟାଳୟ ବିଭାଗ ୨୯ ଓ ୩୦ ଜୁଲାଇରେ ସ୍କୁଲଗୁଡ଼ିକୁ ବନ୍ଦ ରଖିବାକୁ ନିର୍ଦ୍ଦେଶ ଦେଇଛି, ଯେପରି ପିଲାମାନେ ଉତ୍ତାପ ଦ୍ୱାରା ପ୍ରଭାବିତ ନ ହୁଅନ୍ତି। କାଶ୍ମୀରର ଡିଭିଜନାଲ କମିଶନର ବିଧୁଡି ଏକ ସରକାରୀ ନିର୍ଦ୍ଦେଶ ଜାରି କରି କହିଛନ୍ତି ଯେ, ସମ୍ପୃକ୍ତ ବିଦ୍ୟାଳୟର ଶିକ୍ଷକ କର୍ମଚାରୀମାନେ ସେମାନଙ୍କ କାର୍ଯ୍ୟ ଜାରି ରଖିବେ।
