ମିଜୋରାମରେ ପୁଣି ଥରେ ମଦ ବିକ୍ରି ଉପରେ ଅଙ୍କୁଶ ଲାଗିବ । ମୁଖ୍ୟମନ୍ତ୍ରୀ ଜୋରମଥାଙ୍ଗାଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଏହି ବିଲ୍କୁ ମଂଜୁରୀ ମିଳିଛି । ମିଜୋରାମରେ ମଦ ବିକ୍ରି ନିଷେଧ ବିଲ୍ ୨୦୧୯କୁ ବିଧାନସଭାରେ ପେଶ୍ କରାଯିବ । ୨୦ ମାର୍ଚ୍ଚରୁ ବିଧାନସଭା ଅଧିବେଶନ ଆରମ୍ଭ ହେବାକୁ ରହିଛି । ସତ୍ତାରେ ଥିବା ମିଜୋ ନେଶନ୍ ଫ୍ରଣ୍ଟ ଗତ ବର୍ଷ ନଭେମ୍ବରରେ ବିଧାନସଭାରେ ସମ୍ପୂର୍ଣ୍ଣ ମଦ ବିକ୍ରି ନିଷେଧ ଜାରି କରିବାର ଘୋଷଣା କରିଥିଲେ । ଏବେ ଏମ୍ଏନ୍ଏଫ୍ ପ୍ରମୁଖ ତଥା ମୁଖ୍ୟମନ୍ତ୍ରୀ ଜୋରମଥାଙ୍ଗା ମଦ ନିଷେଧ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ମିଜୋରାମରେ ଏହି ମଦ ନିଷେଧ ଆଇନ୍ ଲାଗି ହୋଇଥିଲା । ୧୯୯୭ରୁ ଜାନୁଆରୀ ୨୦୧୫ ପର୍ଯ୍ୟନ୍ତ ଏହି ନିୟମ କାର୍ଯ୍ୟକାରୀ ରହିଥିଲା । କିନ୍ତୁ କଂଗ୍ରେସ ସରକାର ଶାସନକୁ ଆସିବା ପରେ ପୁନର୍ବାର ମଦ ଦୋକାନ ଖୋଲିବା ପାଇଁ ଅନୁମତି ଦେଇଥିଲେ । ବିହାର ଓ ଗୁଜୁରାଟରେ ମଧ୍ୟ ମଦ ବିକ୍ରି ଉପରେ ନିଷେଧାଦେଶ ରହିଛି ।
Categories
ମିଜୋରାମରେ ମଦ ବିକ୍ରି ବନ୍ଦ ହେବ
