ଗାଜିଆବାଦ : ଉତ୍ତରପ୍ରଦେଶର ଗାଜିଆବାଦଠାରେ ଜଣେ ଲୁଟେରୀ ଦୁଲହନ୍ର କାହାଣୀ ପଦାକୁଆସିଛି । ତେବେ ଏହି ଲୁଟେରୀ ଦୁଲହନ୍ଙ୍କ ଖାସ୍ କଥାହେଉଛି ଯେ, ଏହି ବଧୂ ଜଣକ କେବଳ ବରିଷ୍ଠ ନାଗରିକ ବା ସିନିୟର ସିଟିଜେନ୍ଙ୍କୁ ହିଁ ନିଜର ଶିକାର ବନାଇ ଥା’ନ୍ତି । ବୃଦ୍ଧ ତଥା ଅଧିକ ବୟସ୍କଙ୍କୁ ବିବାହ କରିବା ପରେତାଙ୍କ ବିଶ୍ବାସ ଜିତି ସମସ୍ତ ଧନ ସମ୍ପତ୍ତି ଧରି ଚମ୍ପଟ ମାରନ୍ତି ।
ନିକଟର ଏହି ଲୁଟେରୀ ଦୁଲହନ୍ଜଣକ କବିନଗରର ଜଣେ 66 ବର୍ଷ ବୟସ୍କ ଯୁଗଳ କିଶୋରଙ୍କୁ ଶିକାର କରିଛନ୍ତି । ପେସାରେ କଣ୍ଟ୍ରାକ୍ଟର ଥିବା ଯୁଗଲ କିଶୋରଙ୍କ ସ୍ତ୍ରୀଙ୍କର କିଛି ବର୍ଷ ପୂର୍ବେ ମୃତ୍ୟୁ ହୋଇଥିଲା । ସେ ତାଙ୍କର ଏକମାତ୍ର ପୁଅଙ୍କ ସହିତ ଘରେ ରହୁଥିଲେ । ନିଜରଏକଲାପଣ ଦୂର କରିବାକୁ ଯୁଗଳ ସାଥୀ ଖୋଜୁଥିବାବେଳେ ଲୁଟେରୀ ଦୁଲହନ୍ ତାଙ୍କୁ ନିଜ ଜାଲରେ ଫସାଇ ଦେଇଥିଲେ ।
ଯୁଗଲ୍ କିଶୋର ନିଜ ପାଇଁ ସାଥୀ ଖୋଜିବା ନିମେନ୍ତ ପେପର୍ରେ ବିଜ୍ଞାପନ ଦେଇଥିଲେ । ଏହାସହିତ ସେ ଦିଲ୍ଲୀର ଏକ ମେଟ୍ରୋମୋନିଆଲ୍ ଏଜେନ୍ସିରେ ମଧ୍ୟ ସମ୍ପର୍କ କରିଥିଲେ । ଏହାପରେ ଉକ୍ତ ବିବାହ ଏଜେନ୍ସି ତରଫରୁ ତାଙ୍କୁ ଏକ କଲ୍ ଆସିଥିଲା। ତାଙ୍କ ପାଇଁ 25 ବର୍ଷୀୟ ମୋନିକାଙ୍କ କଥା କହିଥିଲେ ।
ମୋନିକା ମଧ୍ୟ ଯୁଗଲ୍ଙ୍କ ନିଜ କଥାରେ ଫସାଇଥିଲେ । ସ୍ବାମୀଙ୍କଠାରୁ ଛାଡପତ୍ର ପାଇଁ ଏକାକୀ ରହୁଥିବା ମୋନିକା ଜଣେ ସାଥୀଙ୍କୁ ଖୋଜୁଥିବାର କହିଥିଲେ । ଏହାପରେ ଦୁହେଁ 2019ଅଗଷ୍ଟ ରେ ବିବାହ କରିଥିଲେ । ବିବାହର କିଛି ଦିନ ପରେ ଯୁଗଲ୍ ଜାଣିବାକୁ ପାଇଲେ ଯେ, ତାଙ୍କ ଘରେ ଥିବା ସମସ୍ତ ମୂଲ୍ୟବାନ ବସ୍ତୁ ହଜିଥିବାର ଜାଣିବାକୁ ପାଇଲେ । ଏହାପରେ ମୋନିକା ମଧ୍ୟ ଘରୁ ନିଖୋଜ ହୋଇଥିବାର ଦେଖିଥିଲେ । କେବଳ ମୋନିକା କି ମୂଲ୍ୟବାନ ବସ୍ତୁ ନୁହେଁ, ଘରେ ଟଙ୍କା କି ଅଳଙ୍କାର ମଧ୍ୟ କିଛି ନଥିବାର ଦେଖିଥିଲେ ଯୁଗଲ୍ ।
ଏହାପରେ ଯୁଗଲ୍ ଘରର ସିସିଟିଭ୍ ଫୁଟେଜ୍ ଚେକ୍ କରିବା ପରେ ଏହାକୁ ଦେଖି ଆଶ୍ଚର୍ଯ୍ୟ ହୋଇଥିଲେ । ମୋନିକା ଘରର ସମସ୍ତ ମୂଲ୍ୟବାନ ବସ୍ତୁ ସହ ଟଙ୍କା ପଇସା ନେଇ ଚାଲି ଯାଇଥିଲେ । ଏହାପରେ ଯୁଗଲ୍ ତୁରନ୍ତ ଦିଲ୍ଲୀର ବିବାହ ଏଜେନ୍ସି ସହ ସମ୍ପର୍କ କରିଥିଲେ । ସେମାନେ ଯୁଗଲ୍ଭ୍କୁ ଚୁପ୍ ରହିବାକୁ ଧମକ ଦେବା ସହିତ 20 ଲକ୍ଷଟଙ୍କାର ଦାବି କରିଥିଲେ । ଏହାପରେ ମୋନିକା ଉକ୍ତ ଏଜେନ୍ସି ଜରିଆରେ ଲୋକଙ୍କୁ ଶିକାର କରୁଥିବାର ସୂଚନା ମିଳିଥିଲା ।
ପୋଲିସ୍ ଏହି ଘଟଣାରେ ପ୍ରାଥମିକ ଯାଞ୍ଚ ପରେ ଜାଣିବାକୁ ପାଇଥିଲେ ଯେ, ମୋନିକା ଗତ ଦଶ ବର୍ଷ ଭିତରେ 8ଟି ବିବାହ କରିଛନ୍ତି । ତେବେ ସବୁଠୁ ଆଶ୍ଚର୍ଯ୍ୟର କଥା ହେଉଛି ମୋନିକା କେବଳ ବୟସ୍କ ବା ସିନିୟର ସିଟିଜେନ୍ଭ୍କୁ ହିଁ ନିଜର ଶିକାର ବନାଇଛନ୍ତି । ଏହା ପରେ ସେ ସମସ୍ତଙ୍କଠାରୁ ସୁନା ଗହଣା ଓ ଟଙ୍କା ପଇସା ନେଇ ଫେରାର୍ ହୋଇଛନ୍ତି । ତେବେ ମୋନିକା ସମସ୍ତ ବିବାହ ଖାନ୍ନା ବିବାହ ଏଜେନ୍ସି ଦ୍ବାରା କରିଥିବାର ସୂଚନା ରହିଛି ।
ମୋନିକା ଯେତିକି ବିବାହ କରିଥିଲେ, ସେହି ସମସ୍ତ ସ୍ବାମୀମାନେ ଅବସରପ୍ରାପ୍ତ ସରକାରୀ ଅଧିକାରୀ କିମ୍ବା ବ୍ୟବସାୟୀ ଥିବାବେଳେ ସେମାନେ ସମେସ୍ତ ଦିଲ୍ଲୀ-ଏନ୍ସିଆର ବୋଲି ସୂଚନା ରହିଛି । ପୋଲିସ୍ ଉକ୍ତ ବିବାହ ଏଜେନ୍ସି ଦ୍ବାରା ଅନୁସନ୍ଧାନ କରି ଜାଣିବାକୁ ପାଇଥିଲା ଯେ, ନିକଟରେ ମୋନିକା ଦିଲ୍ଲୀର ଜଣେ ଅବସରପ୍ରାପ୍ତ ବିଚାରପତିଙ୍କୁ ବିବାହ କରିଛନ୍ତି । ତେବେ ପୋଲିସ୍ ଏବେ ଏହି ଘଟଣାର ତଦନ୍ତ ଜାରି ରଖିଛି । (ଏଜେନ୍ସି)