ସୀତାରାମ ଅଗ୍ରଓ୍ବାଲ
ବାଲୁଗାଁ : ବାଲୁଗାଁ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଏକ ସଫେଇ ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ୟୋର୍ସ ହୋପ୍ ଫାଉଣ୍ଡେସନ୍ର ପ୍ରତିଷ୍ଠାତା ରୀନାରାଣୀ ନାୟକଙ୍କ ପକ୍ଷରୁ ଏହି ସଫେଇ ଅଭିଯାନ କରାଯାଇଛି। ଏହି ସଫେଇ ଅଭିଯାନ କାର୍ଯ୍ୟକ୍ରମରେ ବାଲୁଗାଁ ହସ୍ପିଟାଲର ଡାକ୍ତର ଯୋଗେନ୍ଦ୍ର ବେହେରା ଉପସ୍ଥିତ ରହି ସ୍ବେଚ୍ଛାସେବୀଙ୍କୁ ଉତ୍ସାହିତ କରିଥିଲେ। ୟୋର୍ସ ହୋପ୍ ଫାଉଣ୍ଡେସନ୍ର ଖୋର୍ଦ୍ଧା ଜିଲ୍ଲା ସଞ୍ଜୋଯକ ସୀମାଞ୍ଚଳ ସ୍ବାଇଁଙ୍କ ସମେତ ମୁକେଶ ଜେନା, ବିଜୟ ମହାରଣା, ସଂଗ୍ରାମ ରଣା, ପ୍ରିୟବ୍ରତ ସାମନ୍ତରାୟ, ସନ୍ତୋଷ ସ୍ବାଇଁ, ଅଂଶୁମାନ ସ୍ବାଇଁ, ସୌଭାଗ୍ୟ ସ୍ବାଇଁ, ମୁନା ବେହେରା ଏବଂ ଏବିଭିପି ଖୋର୍ଦ୍ଧା ଜିଲ୍ଲା ଛାତ୍ରୀ ପ୍ରମୁଖ ସଂଗୀତା ସ୍ୱାଇଁଙ୍କ ସମେତ ଅନେକ ସ୍ବେଚ୍ଛାସେବୀ ଏହି ସଫେଇ ଅଭିଯାନକୁ ସଫଳ କରିଥିଲେ।
ଏତଦ୍ ବ୍ୟତିତ ୟୋର୍ସ ହୋପ୍ ପକ୍ଷରୁ ବାଣପୁରରେ ଅବସ୍ଥାପିତ ବୃଦ୍ଧାଶ୍ରମରେ ମଧ୍ୟ ଏକ ସଫେଇ ଅଭିଯାନ କାର୍ଯ୍ୟକ୍ରମ କରାଯାଇଛି। ପରିଶେଷରେ ବୃଦ୍ଧାଶ୍ରମର ଅନ୍ତେବାସୀଙ୍କୁ ସଙ୍ଗଠନ ପକ୍ଷରୁ ଫଳ ବଣ୍ଟନ କରାଯାଇଛି। ଏପରି ମହତ ପଦକ୍ଷେପକୁ ସ୍ଥାନୀୟ ଜନସାଧାରଣ ପ୍ରଶଂସା କରିଛନ୍ତି।