ନୂଆଦିଲ୍ଲୀ: ଅଭିନେତ୍ରୀ ସନ୍ନି ଲିଓନୀ, ତାଙ୍କ ସ୍ୱାମୀ ଡାନିଏଲ ୱେବର ଏବଂ ସେମାନଙ୍କର ଜଣେ କର୍ମଚାରୀଙ୍କ ବିରୋଧରେ ପଞ୍ଜୀକୃତ ହୋଇଥିବା ଠକେଇ ମାମଲାରେ ଆଜି କେରଳ ହାଇକୋର୍ଟ ଅପରାଧିକ ମାମଲା ସ୍ଥଗିତ ରଖିଛନ୍ତି। ତାଙ୍କ ବିରୋଧରେ ମାମଲା ରଦ୍ଦ କରିବାକୁ ଲିଓନିଙ୍କ ଆବେଦନ ଉପରେ ଜଷ୍ଟିସ ଜିଆଦ ରେହମାନ ଏଏ ନିର୍ଦ୍ଦେଶ ଦେଇଛନ୍ତି। କୋର୍ଟ ଏହି ପିଟିସନର ପରବର୍ତ୍ତୀ ତାରିଖ ପର୍ଯ୍ୟନ୍ତ ଅପରାଧିକ ପ୍ରକ୍ରିୟା ସ୍ଥଗିତ ରଖିଛନ୍ତି।
ଘଟଣା କଣ ଥିଲା?:
କେରଳରେ ଅବସ୍ଥିତ ଏକ ଇଭେଣ୍ଟ ମ୍ୟାନେଜର ଲିଓନି, ତାଙ୍କ ସ୍ୱାମୀ ଏବଂ ସେମାନଙ୍କ କର୍ମଚାରୀଙ୍କ ବିରୋଧରେ ଏକ ମାମଲା ଦାୟର କରିଥିଲେ। ଅଭିଯୋଗକାରୀ ଅଭିଯୋଗ କରିଥିଲେ ଯେ, ଏହି କାର୍ଯ୍ୟକ୍ରମରେ ଯୋଗଦେବା ଏବଂ ଅଭିନୟ କରିବା ପାଇଁ ଲିଓନଙ୍କୁ ଲକ୍ଷ ଲକ୍ଷ ଟଙ୍କା ଦିଆଯାଇଥିଲା, କିନ୍ତୁ ଅଭିନେତ୍ରୀ ଜଣକ ଯୋଗ ଦେଇନଥିଲେ। ଏହା ପରେ ତାଙ୍କ ବିରୋଧରେ ଧାରା ୪୦୬, ୪୨୦ ଏବଂ ୩୪ ଅନୁଯାୟୀ ଏକ ମାମଲା ରୁଜୁ ହୋଇଥିଲା।
ଅନ୍ୟପକ୍ଷରେ ସନ୍ନି, ତାଙ୍କ ସ୍ୱାମୀ ଏବଂ ତିନିଜଣ କର୍ମଚାରୀ ହାଇକୋର୍ଟଙ୍କ ନିକଟକୁ ଯାଇ ଏକ ନିବେଦନ କରିଥିଲେ ଯେ, ସେମାନେ ନିର୍ଦ୍ଦୋଷ ଏବଂ କୌଣସି ପ୍ରକାର ଅପରାଧରେ ଜଡିତ ନୁହଁନ୍ତି। ଅଭିନେତ୍ରୀ ଏହା ମଧ୍ୟ କହିଛନ୍ତି ଯେ, ଏହି ମାମଲାର ପ୍ରକ୍ରିୟା ସମୟରେ ସେ ବହୁତ କଷ୍ଟ ସହିଛନ୍ତି, କିନ୍ତୁ ତାଙ୍କ ବିରୋଧରେ କୌଣସି ପ୍ରମାଣ ନାହିଁ। ଏହି ପିଟିସନରେ ମଧ୍ୟ ଦର୍ଶାଯାଇଛି ଯେ ଅଭିଯୋଗକାରୀ ସମାନ ଅଭିଯୋଗ ସହିତ ଏକ ସିଭିଲ୍ ସୁଟ୍ ଦାଖଲ କରିଥିଲେ, ଯାହାକୁ ପ୍ରମାଣ ଅଭାବରୁ ଜୁଲାଇ ୨୦୨୨ରେ ମାଜିଷ୍ଟ୍ରେଟ୍ କୋର୍ଟ ଖାରଜ କରିଦେଇଥିଲେ। ତେଣୁ ତାଙ୍କ ବିରୋଧରେ ଚାଲିଥିବା ପ୍ରକ୍ରିୟା ବନ୍ଦ କରିବାକୁ ଆବେଦନ କରିଥିଲେ।