ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମହାମହିମ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ମସ୍କୋରେ ଥିବା ଅଲ୍ ଋଷୀୟ ପ୍ରଦର୍ଶନୀ କେନ୍ଦ୍ର, ଭିଡିଏନକେଏଚ୍ ପରିଦର୍ଶନ କରିଛନ୍ତି।
ଉଭୟ ନେତା ଭିଡିଏନକେଏଚ୍ରେ ଥିବା ରୋଜାଟମ୍ ପ୍ୟାଭିଲିୟନ ପରିଦର୍ଶନ କରିଥିଲେ। ନଭେମ୍ବର ୨୦୨୩ରେ ଉଦଘାଟିତ ହୋଇଥିବା ରୋଜାଟମ୍ ମଣ୍ଡପ ବୈଜ୍ଞାନିକ ଏବଂ ବୈଷୟିକ ବିକାଶର ଇତିହାସ ଉପରେ ଏକ ବୃହତ୍ତମ ପ୍ରଦର୍ଶନୀ। ବେସାମରିକ ପରମାଣୁ ଶକ୍ତି କ୍ଷେତ୍ରରେ ଭାରତ-ରୁଷ୍ ସହଯୋଗକୁ ସମର୍ପିତ ଏକ ଫଟୋ ପ୍ରଦର୍ଶନୀ କୁ ପ୍ରଧାନମନ୍ତ୍ରୀ ଦେଖିଥିଲେ । ପ୍ରଧାନମନ୍ତ୍ରୀଙ୍କୁ “ଆଟମିକ୍ ସିମ୍ଫନି” ମଧ୍ୟ ଦେଖାଯାଇଥିଲା – ଭିଭିଇଆର -୧୦୦୦ ରିଆକ୍ଟରର ଏକ ସ୍ଥାୟୀ କାର୍ଯ୍ୟ ମଡେଲ ଯାହା ଭାରତର କୁଡାନକୁଲମ ଆଣବିକ ଶକ୍ତି କେନ୍ଦ୍ର (କେକେଏନପିପି)ର ଉତ୍ସ ଅଟେ।
ପ୍ୟାଭିଲିୟନରେ ପ୍ରଧାନମନ୍ତ୍ରୀ ଭାରତ ଓ ରୁଷର କିଛି ଛାତ୍ରଛାତ୍ରୀଙ୍କ ସହ ମଧ୍ୟ ଆଲୋଚନା କରିଥିଲେ । ଭବିଷ୍ୟତ ପିଢ଼ି ଏବଂ ପୃଥିବୀ ପାଇଁ ଉପଯୋଗ କରାଯାଇପାରୁଥିବା ବିଜ୍ଞାନ ଓ ବୈଷୟିକ ବିଜ୍ଞାନ କ୍ଷେତ୍ରରେ ଭବିଷ୍ୟତର ସମ୍ଭାବନା ଉପରେ ଦୃଷ୍ଟି ଦେବାକୁ ସେ ସେମାନଙ୍କୁ ଉତ୍ସାହିତ କରିଥିଲେ।