ନୂଆଦିଲ୍ଲୀ: ଆଜି ଆଉ ଜଣେ କେନ୍ଦ୍ରମନ୍ତ୍ରୀ ମଧ୍ୟ ଇସ୍ତଫା ଦେଇଛନ୍ତି। କିଛି ସମୟ ପୂର୍ବରୁ କେନ୍ଦ୍ର ସଂଖ୍ୟାଲଘୁ ମନ୍ତ୍ରୀ ମୁକ୍ତାର ନକଭି ଇସ୍ତଫା ଦେଇଛନ୍ତି। ଏହାପରେ ଇସ୍ପାତ ମନ୍ତ୍ରୀ ରାମଚନ୍ଦ୍ର ପ୍ରସାଦ ସିଂ ମଧ୍ୟ ଇସ୍ତଫା ଦେଇଛନ୍ତି। ତେବେ ସିଂ ରାଜ୍ୟସଭା ସଦସ୍ୟ ଥିଲେ। ତାଙ୍କର ସଦସ୍ୟତା ସମୟ ପୁରଣ ହେଉଥିବାରୁ ସେ ଇସ୍ତଫା ଦେଇଛନ୍ତି।
ଆଜି କ୍ୟାବିନେଟ ବୈଠକରେ ଉଭୟ ନକଭି ଏବଂ ସିଂ ଉପସ୍ଥିତ ଥିଲେ। ସେମାନଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବେଶ ପ୍ରଶଂସା କରିଥିଲେ। ଏହି ବୈଠକ ପରେ ଉଭୟ ଇସ୍ତଫା ପ୍ରଦାନ କରିଛନ୍ତି। ତେବେ ବିଶେଷ ସୁତ୍ରରୁ ମିଳିଥିବା ସୂଚନା ଅନୁସାରେ ମୁକ୍ତାର ନକଭିଙ୍କୁ ମୋଦୀ ଏକ ବଡ ଦାୟିତ୍ବ ଦେଇପାରନ୍ତି।