Tag: ଏପିଜେ ଅବଦୁଲ କଲାମ ଦ୍ୱୀପ

ଭୁବନେଶ୍ଵର: ଓଡ଼ିଶା ଉପକୂଳ ଏପିଜେ ଅବଦୁଲ କଲାମ ଦ୍ୱୀପରୁ ୦୭ ଡିସେମ୍ବର, ୨୦୨୩ରେ ସ୍ୱଳ୍ପ ଦୂରଗାମୀ ବାଲିଷ୍ଟିକ୍‌ କ୍ଷେପଣାସ୍ତ୍ର ‘ଅଗ୍ନି-୧’ର ପ୍ରଶିକ୍ଷଣ ଉତ୍‌କ୍ଷେପଣ ସଫଳ ହୋଇଛି। ଅଗ୍ନି-୧ ହେଉଛି ଏକ ପ୍ରମାଣିତ ଅତ୍ୟନ୍ତ ନିର୍ଦ୍ଦିଷ୍ଟ କ୍ଷେପଣାସ୍ତ୍ର ପ୍ରଣାଳୀ। ରଣନୀତିକ ବାହିନୀ କମାଣ୍ଡ ଅଧୀନରେ ବ୍ୟବହାରକାରୀ ପ୍ରଶିକ୍ଷଣ ଉତ୍‌କ୍ଷେପଣ ସଫଳତାର ସହିତ ସମସ୍ତ ପରିଚାଳନାଗତ ଏବଂ ବୈଷୟିକ ମାପଦଣ୍ଡକୁ ପ୍ରମାଣିତ କରିଥିଲା।

ବାଲେଶ୍ଵର: ଓଡ଼ିଶା ଉପକୂଳର ଏପିଜେ ଅବଦୁଲ କଲାମ ଦ୍ୱୀପରୁ ଭାରତ ଏକ ନୂତନ ପିଢୀର ପରମାଣୁ ଦକ୍ଷ ବାଲିଷ୍ଟିକ୍ କ୍ଷେପଣାସ୍ତ୍ର ‘ଅଗ୍ନି ପି’ (ଅଗ୍ନି ପ୍ରାଇମ କ୍ଷେପଣାସ୍ତ୍ର) ସଫଳତାର ସହ ପରୀକ୍ଷଣ କରିଛି। ଏହା ନୂତନ ପିଢୀର ଅଗ୍ନି-ଶ୍ରେଣୀର କ୍ଷେପଣାସ୍ତ୍ରର ଏକ ଉନ୍ନତ କ୍ଷେପଣାସ୍ତ୍ର, ଯାହା ଭୂପୃଷ୍ଠରୁ ଭୂପୃଷ୍ଠ କ୍ଷେପଣାସ୍ତ୍ର ଅଟେ। ଏହାର ମାରକ କ୍ଷମତା ୧ ହଜାରରୁ ୨ ହଜାର କିଲୋମିଟର ଦୂରତା ବିଶିଷ୍ଟ।

ଏହି କ୍ଷେପଣାସ୍ତ୍ରର ଶେଷ ପରୀକ୍ଷା ଚଳିତ ବର୍ଷ ଜୁନ୍ ୨୮ ତାରିଖରେ କରାଯାଇଥିଲା। ଆଶା କରାଯାଏ ଯେ, ଖୁବ୍ ଶୀଘ୍ର ଏହାକୁ ଅପରେସନ୍ ପାଇଁ ସେନାରେ ଭର୍ତ୍ତି କରାଯିବ। ଜଣେ ସରକାରୀ ଅଧିକାରୀ କହିଛନ୍ତି ଯେ, ନୂତନ ଟେକ୍ନୋଲୋଜି ଏବଂ ସାମର୍ଥ୍ୟ ଗ୍ରହଣ କରି ଭାରତ ଏହାର ସାମରିକ କ୍ଷେପଣାସ୍ତ୍ରଗାରକୁ ଆହୁରି ମଜବୁତ କରିବା ପ୍ରକ୍ରିୟାରେ ଆଗକୁ ବଢୁଛି।

ପ୍ରକାଶ ଥାଉ କି ଏହା ପୂର୍ବରୁ ଅଗ୍ନି-୫ କ୍ଷେପଣାସ୍ତ୍ର ମଧ୍ୟ ସଫଳତାର ସହ ପରୀକ୍ଷଣ କରାଯାଇଥିଲା।

ବାଲେଶ୍ଵର: ବାଲିଷ୍ଟିକ୍ କ୍ଷେପଣାସ୍ତ୍ର ଅଗ୍ନି-୫ର ପରୀକ୍ଷଣ ସଫଳତାର ସହିତ କରାଯାଇଛି। ଆଜି ଓଡିଶାର ଏପିଜେ ଅବଦୁଲ କଲାମ ଦ୍ୱୀପରୁ ଏହାକୁ ସଫଳତାର ସହ ଉତକ୍ଷେପଣ କରାଯାଇଛି। ଭାରତ ସରକାର ପକ୍ଷରୁ ଏହି ସୂଚନା ମିଳିଛି। ଅଗ୍ନି-୫ ହେଉଛି ଏକ ତିନି ପର୍ଯ୍ୟାୟ କ୍ଷେପଣାସ୍ତ୍ର। ଏହି କ୍ଷେପଣାସ୍ତ୍ର ଉଚ୍ଚ ସଠିକତା ସହିତ ୫୦୦୦ କିଲୋମିଟର ପର୍ଯ୍ୟନ୍ତ ଲକ୍ଷ୍ୟକୁ ମାରିବାରେ ସକ୍ଷମ ଅଟେ।

ଉଲ୍ଲେଖନୀୟ ବିଷୟ ହେଉଛି, ଏହି ଭୂପୃଷ୍ଠରୁ ଭୂପୃଷ୍ଠ କ୍ଷେପଣାସ୍ତ୍ରର ପ୍ରଥମ ପରୀକ୍ଷା ୨୦୧୨ ମସିହାରେ କରାଯାଇଥିଲା। ଭାରତ ଅଗ୍ନି-୧,୨,୩ କ୍ଷେପଣାସ୍ତ୍ର କାର୍ଯ୍ୟକ୍ଷମ କରିସାରିଛି। ପାକିସ୍ତାନରୁ ଆସୁଥିବା ବିପଦକୁ ଦୃଷ୍ଟିରେ ରଖି ଏହି ତିନୋଟି କ୍ଷେପଣାସ୍ତ୍ର ଡିଜାଇନ୍ ହୋଇଥିବାବେଳେ ଚୀନ୍ ପକ୍ଷରୁ ଦେଖାଯାଉଥିବା ବିପଦ ପାଇଁ ଅଗ୍ନି-୫ କୁ ସ୍ୱତନ୍ତ୍ର ଭାବେ ଡିଜାଇନ୍ କରାଯାଇଛି ବୋଲି ବିଶ୍ୱାସ କରାଯାଏ। ଅଗ୍ନି-୫ ଚୀନର ପ୍ରତ୍ୟେକ ଅଞ୍ଚଳକୁ ଟାର୍ଗେଟ କରିପାରିବ।