ନୂଆଦିଲ୍ଲୀ: ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ଜୁନ ୧ ତାରିଖରୁ ମଦ ଶସ୍ତା ହେବ। ଦିଲ୍ଲୀ ସରକାର ଜୁନ୍ ୧ ତାରିଖ ରୁ ସର୍ବାଧିକ ଖୁଚୁରା ମୂଲ୍ୟ (ଏମଆରପି) ଉପରେ ଦିଆଯାଉଥିବା ୨୫ ପ୍ରତିଶତ ରିହାତିକୁ ସୀମିତ କରିବାକୁ ଯାଉଛନ୍ତି। ଏହା ଘଟିବା ପରେ, ମଦ ବିକ୍ରେତାମାନେ ଏମଆରପି ତଳେ ଯେକୌଣସି ମୂଲ୍ୟରେ ମଦ ବିକ୍ରୟ କରିବାକୁ ସମର୍ଥ ହେବେ। ସୂଚନାଯୋଗ୍ୟ ଯେ, ଦିଲ୍ଲୀ ସରକାର ଏହାର ନିଷ୍ପତ୍ତିର ଫାଇଲକୁ ଉପ ରାଜ୍ୟପାଳଙ୍କ ଅନୁମୋଦନ ପାଇଁ ପଠାଇଛନ୍ତି।
ଏହାସହିତ ଦିଲ୍ଲୀ ସରକାର କହିଛନ୍ତି ଯେ, ଯଦି ଲାଇସେନ୍ସଧାରୀମାନେ ମଦ ବିକ୍ରୟ ପାଇଁ ଆଗୁଆ ଲାଇସେନ୍ସ ଦେୟ ଦେଉଛନ୍ତି, ତେବେ ସେମାନଙ୍କୁ ସେହି ଅନୁଯାୟୀ କମ୍ ମୂଲ୍ୟରେ ମଦ ବିକ୍ରୟ କରିବାକୁ ଦିଆଯାଉ। କେବଳ ଏତିକି ନୁହେଁ, ଦିଲ୍ଲୀ ସରକାର ମଧ୍ୟ ଭୋର ୩ ଟା ପର୍ଯ୍ୟନ୍ତ ରାଜଧାନୀରେ ବାର ଖୋଲିବାକୁ ନିଷ୍ପତ୍ତି ନେଇଛନ୍ତି। ଏଥିପାଇଁ ଏକ୍ସାଇଜ୍ ବିଭାଗକୁ ନିର୍ଦ୍ଦେଶ ଦିଆଯାଇଛି।