ନୂଆଦିଲ୍ଲୀ: ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ଅସୁସ୍ଥ ହୋଇପଡିଛନ୍ତି। ତାଙ୍କୁ ଦିଲ୍ଲୀର ଅଲ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ (ଏମ୍ସ) ଭର୍ତ୍ତି କରାଯାଇଛି। ଏକ ସୂତ୍ରରୁ ପ୍ରକାଶ, “ସେ ଦୁଇ ଦିନ ପୂର୍ବରୁ ଜ୍ୱରରେ ଆକ୍ରାନ୍ତ ହୋଇଥିଲେ ଏବଂ ଡାକ୍ତରଙ୍କ ପରାମର୍ଶରେ ଆଜି ତାଙ୍କୁ ଭର୍ତ୍ତି କରାଯାଇଛି। ତାଙ୍କୁ ଡାକ୍ତରଙ୍କ ତତ୍ତ୍ବାବଧାନରେ ରଖାଯାଇଛି।
୨୦୦୪ ମସିହାରୁ ୨୦୧୪ ମସିହା ପର୍ଯ୍ୟନ୍ତ ପ୍ରଧାନମନ୍ତ୍ରୀ ଥିବା ମନମୋହନ ସିଂ ଚଳିତ ବର୍ଷ କରୋନାରେ ସଂକ୍ରମିତ ହୋଇଥିଲେ। କରୋନା ପଜିଟିଭ୍ ହେବା ପରେ ତାଙ୍କୁ ଏପ୍ରିଲ ୧୯ ତାରିଖରେ ଏମ୍ସ ର ଟ୍ରମା ସେଣ୍ଟରରେ ଭର୍ତ୍ତି କରାଯାଇଥିଲା। ଏହା ପରେ, ଏପ୍ରିଲ ୨୯ ତାରିଖରେ ତାଙ୍କୁ ଏମ୍ସ ର ଟ୍ରମା କେନ୍ଦ୍ରରୁ ଡିସଚାର୍ଜ କରାଯାଇଥିଲା। ମାର୍ଚ୍ଚ ୪ ତାରିଖ ଏବଂ ଏପ୍ରିଲ ୩ ତାରିଖରେ ପୂର୍ବତନ ପ୍ରଧାନମନ୍ତ୍ରୀ କରୋନା ଟିକା ନେଇଥିଲେ।
ତାଙ୍କୁ ୮୮ ବର୍ଷ ବୟସ ଏବଂ ସେ ମେଦବହୁଳତା ରୋଗରେ ମଧ୍ୟ ପୀଡିତ। ପୂର୍ବତନ ପ୍ରଧାନମନ୍ତ୍ରୀ ମଧ୍ୟ ଦୁଇଟି ବାଇପାସ୍ ସର୍ଜରୀ କରିଛନ୍ତି। ତାଙ୍କର ପ୍ରଥମ ଅସ୍ତ୍ରୋପଚାର ୧୯୯୦ ମସିହାରେ ବ୍ରିଟେନରେ କରାଯାଇଥିଲା। ଯେତେବେଳେ କି ୨୦୦୯ ମସିହାରେ ତାଙ୍କର ଦ୍ୱିତୀୟ ବାଇପାସ୍ ସର୍ଜରୀ ଏମ୍ସ ରେ କରାଯାଇଥିଲା।